മെഗാസ്റ്റാര്‍ മമ്മൂട്ടിയെ ഇഷ്ടപ്പെടാത്തവര്‍ ആരും തന്നെ കാണില്ല. അദ്ദേഹത്തെ നേരിട്ട് കാണാന്‍ ആഗ്രഹിക്കാത്തവരും കുറവല്ല. അക്കൂട്ടത്തില്‍ സാലിഖ് എന്ന മൂന്നാം ക്ലാസുകാരനും. ജന്മനാ വൈകല്യങ്ങളുള്ള കുട്ടിയാണ് സാലിഖ്. സാലിഖിന്റെ ഏറ്റവും വലിയ ആഗ്രഹം മമ്മൂട്ടിയെ കാണുക എന്നത് തന്നെയാണ്.

ഫ്‌ളവേഴ്‌സ് ചാനല്‍ സംഘടിപ്പിക്കുന്ന കോമഡി ഫെസ്റ്റിവല്‍ പ്രോഗ്രാമിന്റെ വേദിയില്‍ വെച്ചാണ് സാലിഖ് തന്റെ ആഗ്രഹം തുറന്നു പറഞ്ഞത്. ഇതിനായി ഈ കൊച്ചുകുട്ടി പരിശ്രമിക്കുകയും ചെയ്തിട്ടുണ്ട്. ഇതിനോടകം മമ്മൂക്കയുടെ വീടിന് മുന്‍പില്‍ അമ്ബതോളം തവണ സാലിക്ക് പോയിട്ടുണ്ട്. പക്ഷേ അപ്പോഴൊക്കെ നിരാശ ആയിരുന്നു ഫലം.

എന്നാല്‍, ഇപ്പോഴിതാ സാലിഖിന്റെ ആഗ്രഹം നടത്തികൊടുക്കാന്‍ ഒരുങ്ങുകയാണ് കോമഡി ഫെസ്റ്റിവല്‍ വേദി. ജഡ്ജ്മാരില്‍ ഒരാളായ ടിനി ടോം ഈ കൊച്ചു മിടുക്കന്റെ ഒരു വീഡിയോ എടുത്ത് തല്‍ക്ഷണം തന്നെ മമ്മൂക്കയ്ക്ക് വാട്‌സ്ആപ് ചെയ്യുകയുണ്ടായി. ഈ കൊച്ചു മിടുക്കന്റെ അതീയ ആഗ്രഹത്തിന് വലിയൊരു പ്രതീക്ഷ നല്‍കിയിരിക്കുകയാണ് കോമഡി ഫെസ്റ്റിവലിലെ വേദി.