പെര്‍ഫെക്ഷന് വേണ്ടി എന്ത് ത്യാഗവും സഹിക്കുന്ന താരമാണ് മമ്മൂട്ടി. അതു തന്നെയാണ് മമ്മൂട്ടിയുടെ വിജയം. മാമാങ്കത്തിന്റെ ഷൂട്ടിങ്ങിനിടെ മമ്മുട്ടിക്ക് പരിക്കേറ്റു. പ്രധാനപ്പെട്ട സംഘട്ടന രംഗങ്ങളിലൊന്ന് ചിത്രീകരിക്കുന്നതിനിടെയാണ് മമ്മുട്ടിക്ക് പരിക്കേറ്റത്. പരിക്ക് ഗൗരവമേറിയതല്ലെന്നാണ് റിപ്പോര്‍ട്ടുകള്‍. സീനിന്റെ പെര്‍ഫെക്ഷനുവേണ്ടി റിഷൂട്ട് ചെയ്യുന്നതിനിടെയാണ് പരിക്കേറ്റത്.

16ആം നൂറ്റാണ്ടില്‍ നിലനിന്നിരുന്ന മാമാങ്കം എന്ന അനുഷ്ഠാനത്തെ ആസ്പദമാക്കി ഒരുക്കുന്ന ചിത്രം നാലു ഷെഡ്യൂളുകളിലാണ് ചിത്രീകരിക്കുന്നത്. നാലു വ്യത്യസ്ത ഗെറ്റപ്പുകളിലാണ് മമ്മുട്ടി ചിത്രത്തില്‍ പ്രത്യക്ഷപ്പെടുന്നത്. എറണാകുളത്ത് സെറ്റിട്ടാണ് പ്രധാന ഷെഡ്യൂള്‍ ചിത്രീകരിക്കുന്നത്.

50 കോടി മുടക്കിയാണ് മാമാങ്കം ചിത്രീകരിക്കുന്നതെന്നാണ് റിപ്പോര്‍ട്ടുകള്‍. മലയാളത്തിനു പുറമെ തമിഴിലും, തെലുങ്കിലും, ഹിന്ദിയിലും ഇംഗ്ലീഷിലുമായി മാമാങ്കം മൊഴി മാറ്റുന്നുണ്ട്. രണ്ട് ബോളിബുഡ് നായികമാര്‍ക്കൊപ്പം മൂന്ന് മലയാള നടിമാരും ചിത്രത്തില്‍ അണിനിരക്കുന്നുണ്ട്.