'മാണിക്യ മലരായ പൂവേ' എന്ന ഗാനത്തിലൂടെ ഒറ്റദിവസംകൊണ്ട് സോഷ്യൽ മീഡിയയിൽ സെൻസേഷനായ താരമാണ് പ്രിയാ വാര്യർ. പ്രിയ ഗാനരംഗത്തിലെ സൈറ്റടി മലയാളക്കരയും കഴിഞ്ഞ് അയല്‍ രാജ്യങ്ങളിലും വലിയ വാര്‍ത്തയായിരുന്നു. ‘മാണിക്യമലരായ പൂവി’ലൂടെ താരമായ പ്രിയാ വാര്യര്‍ ഇന്‍സ്റ്റാഗ്രാമിലും താരമായി. സിനിമാരംഗത്തു നിന്ന് പല സൂപ്പർ താരങ്ങളുടെ പ്രിയയെ അഭിനന്ദിച്ച് രംഗത്തെത്തിയിരുന്നു.

തെലുങ്ക് സൂപ്പർ താരം അല്ലു അർജുനും ഈ ഗാനത്തെ അഭിനന്ദിച്ച് ട്വീറ്റ് ചെയ്തിരുന്നു. ഭാവിയിൽ വലിയൊരു നടിയാകുമെന്ന് ഞാൻ പ്രവചിക്കുന്നുവെന്നും മനോഹരമായ മുഖഭാവപ്രകടനങ്ങളും കളങ്കമില്ലാത്ത പുഞ്ചിരിയുമാണ് പ്രിയാ വാര്യരുടേത്. ദൈവം അനുഗ്രഹിക്കട്ടെ..എല്ലാ ആശംസകളും. എന്റെ സമയത്ത് പ്രിയ വന്നില്ലല്ലോ.. (തമാശ രൂപേണ)- ബോളിവുഡിലെ നടനും നിർമ്മാതാവും സംവിധായകനുമായ ഋഷി കപൂറും ട്വീറ്റ് ചെയ്തിരുന്നു. കഴിഞ്ഞ ദിവസം ഇളയദളപതി വിജയും ഒരു അഭിമുഖത്തില്‍ പ്രിയയുടെ പേര് പറഞ്ഞിരുന്നു. ഇപ്പോഴിതാ താനും പ്രിയ വാര്യരുടെ ഫാനായെന്ന് പറഞ്ഞിരിക്കുകയാണ് തമിഴ് സപ്പൂര്‍സ്റ്റാര്‍ സൂര്യ.

പ്രിയക്ക് സൂര്യയുടെ കൂടെ അഭിനയിക്കണം എന്ന് ആഗ്രഹം ഉണ്ടെന്ന് പറഞ്ഞിരുന്നു. അവസരം കൊടുക്കുമോ എന്ന മാധ്യമങ്ങളുടെ ചോദ്യത്തിന് "ഞാന്‍ അല്ല ആ കുട്ടിക്ക് അവസരം കൊടുക്കേണ്ടത്. പ്രിയ എനിക്കാണ് അവസരം തരേണ്ടത്. കാരണം ആ വീഡിയോ കണ്ടതിന് ശേഷം ഞാനും അവരുടെ ഒരു ഫാനായി മാറി എന്നാണ് സൂര്യ മറുപടി നൽകിയത്.