''ഞങ്ങള് പറയും നിങ്ങള് ചെയ്യണം എന്നതൊക്കെയാണ് സംഘടനയുടെ തീരുമാനം, എന്തിനാണ് ഞങ്ങള് നിങ്ങള് എന്ന വ്യത്യാസം''; നടി മൈഥിലി പറയുന്നു
സ്ത്രീ സംഘടനയ്ക്ക് പ്രാധാന്യമില്ലെന്നും സ്വന്തമായി പ്രശ്നമുണ്ടായാല് അത് സ്വയം തന്നെ നേരിടണമെന്നും നടി മൈഥിലി. പ്രിയനന്ദന് സംവിധാനം ചെയ്യുന്ന പാതിരാക്കാലം എന്ന ചിത്രത്തിന്റെ പ്രമോഷന്റെ ഭാഗമായി റിപ്പോര്ട്ടര് ടിവിയുടെ ശേഷം വെള്ളിത്തിര എന്ന പരിപാടിയിൽ പങ്കെടുത്ത് സംസാരിക്കുകയായിരുന്നു താരം.
''ഇവിടെ ഇത്തരമൊരു സംഘടനയ്ക്ക് പ്രാധാന്യമില്ല സ്വന്തമായി പ്രശ്നമുണ്ടായാല് അത് സ്വയം തന്നെ നേരിടണം. അല്ലാതെ മറ്റ് സംഘടനകള്ക്കൊന്നും ചെയ്യാന് കഴിയില്ല. സ്ത്രീകള്ക്ക് വേണ്ടി പ്രത്യേകം ഒരു സംഘടന വേണ്ട എന്നാണ് താരത്തിന്റെ പക്ഷം. പുതുതായി രൂപീകരിച്ച സ്ത്രീ സംഘടനകള് എന്നെ സമീപിച്ചിട്ടില്ല. അതിനാല് ഈ സംഘടനയുടെ പ്രവര്ത്തനത്തെ കുറിച്ച് എനിക്ക് അറിയില്ല. ഞങ്ങള് പറയും നിങ്ങള് ചെയ്യണം എന്നതൊക്കെയാണ് സംഘടനയുടെ തീരുമാനം. സംഘടനയ്ക്ക് ഞങ്ങള് നിങ്ങള് എന്ന വ്യത്യാസം എന്തിനാണ്. ഇവിടുത്തെ നിയമങ്ങള്ക്കൊന്നും ചെയ്യാന് കഴിയുന്നില്ല. നിയമങ്ങള് മാറ്റി എഴുതേണ്ടതാണ് എങ്കില് മാത്രമേ വരുന്ന തലമുറയ്ക്കെങ്കിലും രക്ഷയുണ്ടാകൂ. ഞാൻ അന്നും ഇന്നും ഒരു സംഘടനയില് മാത്രമാണുള്ളത്. അമ്മയെന്ന സംഘടനയിലാണ് പ്രവര്ത്തിക്കുന്നത്. അവിടെ സ്ത്രീയും പുരുഷനും അമ്മയുമുണ്ട്''-മൈഥിലി പറഞ്ഞു.
https://www.facebook.com/Malayalivartha
