സൂപ്പര് താരത്തിന്റെ 18 കാരിയായ മകള്ക്ക് സ്വവര്ഗാനുരാഗിയായ പങ്കാളിയുമായി പ്രണയം; അവസാനം എല്ലാം കഴിഞ്ഞപ്പോള് മകളും കാമുകിയും പെരുവഴിയിലും അന്തിയുറങ്ങുന്നത് തെരുവിലും
സൂപ്പര് താരത്തിന്റെ മകളുടെ അവസ്ഥയോര്ത്ത് ആരാധകര് അങ്കലാപ്പിലാണ്. ജാക്കി ചാന്റെ മകളാണ് പെരുവഴിയിലായത്. അന്തി ഉറങ്ങുന്നതാകട്ടെ തെരുവിലും പാലത്തിന്റെ അടിയിലുമായാണ്. സ്വവര്ഗാനുരാഗിയായ പങ്കാളിക്കൊപ്പം ജീവിക്കാന് ഇറങ്ങിപ്പുറപ്പെട്ടതു മൂലമാണ് ജാക്കി ചാന്റെ 18 കാരിയായ മകള്ക്ക് ഈ അവസ്ഥ ഉണ്ടായത്. ജാക്കി ചാന്റെ വിവാഹോദര ബന്ധത്തില് ഉണ്ടായ മകള് എറ്റയും കാമുകിയുമാണ് ഇപ്പോള് തെരുവില് താമസിക്കുന്നത്. സംഭവത്തെക്കുറിച്ച് 18 കാരിയായ എറ്റ പറയുന്നത് ഇങ്ങനെ.
ഞങ്ങള്ക്ക് വീടില്ല. ഒരു മാസമായി അന്തിയുറങ്ങുന്നത് തെരുവിലും പാലത്തിന്റെ കീഴിലും മറ്റുമാണ്. സ്വവര്ഗരതിയെ എതിര്ക്കുന്ന എന്റെ വീട്ടുകാരാണ് കാരണം. ഞങ്ങള് പോലീസിനെയും ആശുപത്രികളെയും ട്രാന്സ്ജെന്ഡര് സമൂഹത്തെയുമെല്ലാം സമീപിച്ചു. പക്ഷേ, ആരില് നിന്നും സഹായം ലഭിച്ചില്ല. ഈ സാഹചര്യത്തില് എന്താണ് ചെയ്യേണ്ടതെന്ന് ഞങ്ങള്ക്ക് അറിയില്ല. ആര്ക്കും ഞങ്ങളെ സഹായിക്കാനാവില്ല എന്നത് പരിഹാസ്യമാണ്. അതുകൊണ്ട് എന്താണ് നടക്കുന്നതെന്ന് ലോകത്തെ അറിയിക്കാന് വേണ്ടി മാത്രമാണ് ഇപ്പോള് കാര്യങ്ങള് തുറന്നുപറയുന്നത്. പൊട്ടിക്കരഞ്ഞു കൊണ്ടാണ് യൂട്യൂബ് വീഡിയോയില് കൂടി എറ്റ ഇത് പറഞ്ഞത്
തായ്വാനീസ് നടിയായ ജൊവാന ലിന്നിനെ വിവാഹം കഴിച്ച ചാന് മൂന് സൗന്ദര്യ റാണി എലയ്ന് ഇങ്ങില് ഉണ്ടായ മകളാണ് എറ്റ. തുടക്ക കാലത്ത് ഇരുവരുടെയും ജീവിത ചെലവുകള് നോക്കിരുന്നത് ജാക്കി ചാന് ആയിരുന്നു. എന്നാല് ആര്ഭാഢ ജീവിതം നയിച്ച എലയ്ന് ഹോങ്ങ്കോങ്ങിലേയ്ക്ക് താമസം മാറ്റിയതോടെ ചാന് ഇവരുമായുള്ള ബന്ധം പൂര്ണ്ണമായും ഉപേക്ഷിച്ചു. കഴിഞ്ഞ ഓക്ടോബറിലാണ് എറ്റ മുപ്പതുകാരിയായ ഓട്ടമുമായി പ്രണയത്തിലാകുന്നത്. ബന്ധത്തെ എതിര്ത്ത അമ്മയക്കെതിരെ മകള് പോലീസില് കേസ് കൊടുക്കുകയും ചെയ്തിരുന്നു. മകളുടെ ആരോപണങ്ങളോട് ജാക്കി ചാന് ഇതുവരെ പ്രതികരിച്ചിട്ടില്ല.
https://www.facebook.com/Malayalivartha