ഇടിത്തീ പോലെയായിരിക്കുകയാണ് ഇപ്പോള്‍ പുറത്തുവന്നിരിക്കുന്ന ആ പഠനം. കോവിഡ് രണ്ടാം തംരംഗത്തിന് ശേഷം സംഭവിക്കുന്നത് ഇതാണോ. മുള്‍മുനയില്‍ ലോകം. കോവിഡിന്റെ രണ്ടാം തംരംഗം രാജ്യത്ത് അതിവേഗം പടരുമ്പോള്‍ ആശങ്ക വര്‍ധിപ്പിക്കുന്ന മറ്റൊരു പഠന റിപ്പോര്‍ട്ടും പുറത്ത്.

കോവിഡ് രോഗമുക്തി നേടുന്ന മൂന്നില്‍ ഒരാള്‍ക്ക് ന്യൂറോളജിക്കല്‍ അല്ലെങ്കില്‍ മാനസിക പ്രശ്‌നങ്ങള്‍ക്ക് സാധ്യതയെന്ന് പഠനം. ദി ലാന്‍സെറ്റ് സൈക്കിയാട്രി ജേണല്‍ എസ്റ്റിമേറ്റില്‍ പ്രസിദ്ധീകരിച്ച പഠനത്തിലാണ് ഇക്കാര്യം പറയുന്നത്. 230,000 രോഗികളുടെ ആരോഗ്യ രേഖകളെക്കുറിച്ചുള്ള ഒരു നിരീക്ഷണ പഠനത്തില്‍ 14 ന്യൂറോളജിക്കല്‍, മാനസികാരോഗ്യ വൈകല്യങ്ങളാണ് കണ്ടെത്തി.

കോവിഡ് -19 അണുബാധയ്ക്ക് ശേഷമുള്ള ആറുമാസത്തിനുള്ളില്‍ ന്യൂറോളജിക്കല്‍, സൈക്യാട്രിക് രോഗനിര്‍ണയത്തിനുള്ള അപകടസാധ്യതകള്‍ കാര്യമായില്ലെങ്കിലും കോവിഡ് -19 അതിജീവിച്ചവര്‍ക്ക് അണുബാധയ്ക്ക് ശേഷമുള്ള ആദ്യ മൂന്ന് മാസങ്ങളില്‍ മാനസികാസ്വസ്ഥതകളും ഉത്കണ്ഠയും ഉണ്ടാകാനുള്ള സാധ്യത കൂടുതലാണെന്ന് പറയുന്നു. 2020 ജനുവരി 20 മുതല്‍ കോവിഡ് സ്ഥിരീകരിച്ച പത്ത് വയസിന് മുകളിലുള്ളവരുടെ വിവരങ്ങളാണ് പഠനത്തിന് അടിസ്ഥാനം.

ആകെ 236,038 രോഗികളുള്‍ക്ക് ശ്വാസകോശത്തില്‍ ലഘുവായ അണുബാധ വന്നതായി കണ്ടെത്തി. ഇതില്‍ ഇന്‍ഫ്‌ലൂവന്‍സ കണ്ടെത്തിയവര്‍ 105,579 പേരാണ്. കോവിഡ് -19 അണുബാധയെത്തുടര്‍ന്ന് നാഡീവ്യൂഹവുമായി ബന്ധപ്പെട്ടതോ മാനസികാരോഗ്യവുമായി ബന്ധപ്പെട്ടതോ ആയ തകരാറുകള്‍ 34 ശതമാനം പേരിലാണ് കണ്ടെത്തിയത്.

ഇതില്‍ 13ശതമാനം ആളുകള്‍ ആദ്യമായി അത്തരം രോഗബാധ സ്ഥിരീകരിച്ചവരുമാണ്. ഉത്കണ്ഠാ പ്രശ്‌നങ്ങള്‍ (17ശതമാനം രോഗികളില്‍ ), മൂഡ് സ്വിങ്‌സ് പ്രശ്‌നങ്ങള്‍ (14 ശതമാനം), ലഹരിവസ്തുക്കളുടെ ദുരുപയോഗം (7 ശതമാനം), ഉറക്കമില്ലായ്മ (5 ശതമാനം) എന്നിവയാണ് കോവിഡ് -19 ന് ശേഷമുള്ള ഏറ്റവും സാധാരണമായ പ്രശ്‌നങ്ങള്‍. മസ്തിഷ്‌ക രക്തസ്രാവം 0.6 ശതമാനം പേരിലും, ഇസ്‌കെമിക് സ്‌ട്രോക്ക് 2.1ശതമാനം പേരിലും, ഡിമെന്‍ഷ്യ 0.7% പേരിലും കണ്ടെത്തി.

കഠിനമായ കോവിഡ് -19 ഉള്ള രോഗികളില്‍ ന്യൂറോളജിക്കല്‍ അല്ലെങ്കില്‍ സൈക്യാട്രിക് രോഗനിര്‍ണയത്തിനുള്ള അപകടങ്ങള്‍ ഏറ്റവും വലുതാണ്, എന്നാല്‍ ഇവയില്‍ മാത്രം പരിമിതപ്പെടുത്തിയിട്ടില്ല. മൊത്തത്തിലുള്ള 34% സംഭവങ്ങളുമായി താരതമ്യപ്പെടുത്തുമ്പോള്‍, ആശുപത്രിയില്‍ പ്രവേശിപ്പിക്കപ്പെട്ടവരില്‍ 38%, തീവ്രപരിചരണ വിഭാഗത്തില്‍ 46%, കോവിഡ് -19 സമയത്ത് 62% ഡെലിറിയം (എന്‍സെഫലോപ്പതി) ഉള്ളവരില്‍ ഒരു ന്യൂറോളജിക്കല്‍ അല്ലെങ്കില്‍ സൈക്യാട്രിക് രോഗനിര്‍ണയം നടന്നു.

ഏതായാലും മഹാമാരിയില്‍ നിന്ന് എന്ന് മോചനമെന്ന് കാത്തിരുക്കുന്ന ലോകജനതയ്ക്ക് ആശങ്കയുളവാക്കുന്നതായി മാറിയിരിക്കുകയാണ് പുതിയ പഠന റിപ്പോര്‍ട്ട്...