കർക്കിടകത്തിൽ കൃത്യമായ ഭക്ഷണച്ചിട്ടകള്‍ പുലര്‍ത്തുകയും എല്ലാ ദിവസവും ഏതെങ്കിലുമൊരു കുഴമ്പു തേച്ച് തടവി ചെറു ചൂടുവെള്ളത്തില്‍ കുളിക്കുകയും ചെയ്താല്‍ത്തന്നെ ആരോഗ്യപരമായി വളരെയേറെ ഗുണം ലഭിക്കും.ഈ ഒരു മാസമെങ്കിലും മാംസഭക്ഷണങ്ങളും എണ്ണ ചേർന്നവയും മദ്യവും കൊളകളും ഉൾപ്പടെ ശരീരത്തിന് ഹാനികരമാകുന്ന ഭക്ഷണങ്ങൾ ഒഴിവാക്കി കൃത്യമായി ഔഷധക്കഞ്ഞി തയ്യാറാക്കി കുടിക്കുകയാണെങ്കില് ശരീരത്തില് അടിഞ്ഞു കൂടിയിട്ടുള്ള മാലിന്യങ്ങളൾ ഒരുപരിധിവരെയൊക്കെ നീക്കം ചെയ്യാനൻ കഴിഞ്ഞേക്കും.

പുറത്തു നിന്നുള്ള ഭക്ഷണങ്ങൾ ഒഴിവാക്കി ഔഷധഗുണമുള്ള ആഹാര സാധനങ്ങൾ കഴിക്കുക.പഴകിയ ആഹാരസാധനങ്ങൾ ഫ്രിഡ്ജിൽ വച്ച് ചൂടാക്കിയവ, ജങ്ക് ഫുഡ് എന്നിവ പൂർണ്ണമായും ഒഴിവാക്കുക.
വൃത്തിയായി പാകം ചെയ്തതും ചെറു ചൂടുള്ളതും ദഹിക്കുവാന്എ ളുപ്പമുള്ളതും ആയ ആഹാര സാധനങ്ങൾ കഴിക്കുവാൻ ശ്രമിക്കുക.അമിത ആഹാരം ശരീരത്തിന് ദോഷമായി ബാധിക്കുന്നതാണ്.ഗോതമ്പ്, ചെറുപയര് തേന്, വെജിറ്റബിള് സൂപ്പ് എന്നിവ നല്ലതാണ്.ഉപ്പ്, പുളി,എരിവ് തുടങ്ങിയവയുടെ അളവ് കുറഞ്ഞ ആഹാരസാധനങ്ങളൾ മാത്രം കഴിക്കുക.ഗോതമ്പ്, ചെറുപയർ ,തേൻ , വെജിറ്റബിൾ സൂപ്പ് എന്നിവ കഴയ്ക്കുന്നത് നല്ലതാണ്.ചുക്ക്, കൊത്തമല്ലി തുടങ്ങിയവ ഏതെങ്കിലും ഇട്ട്, തിളപ്പിച്ച വെള്ളം കുടിക്കുക.
പൊറോട്ട, മാംസഭക്ഷണം എന്നീ ദഹന ശേഷി കുറയ്ക്കുന്ന ആഹാര സാധനങ്ങൾ പൂർണ്ണമായും ഒഴിവാക്കുക. പഞ്ചസാര, ഉപ്പ്, എണ്ണ, കാപ്പി, ചായ എന്നിവയുടെ അളവ് പതിവായി ഉപയോഗിക്കുന്നതിന്റെ പകുതി മാത്രമായി ചിട്ടപ്പെടുത്തുക.രാത്രി കഴിയുന്നതും നേരത്തേ ഭക്ഷണം കഴിക്കാൻ ശ്രമിക്കുക അതുപോലെതന്നെ നേരത്തെ ഉറങ്ങുക ഇത് ആരോഗ്യത്തെ കൂടുതൽ മെച്ചപ്പെടുത്തും.കുറഞ്ഞത് ആറ് ഏഴ് മണിക്കൂറെങ്കിലും ഉറങ്ങുക.പകലുറക്കം ഒഴിവാക്കുക.
അധികം മഴ നനയുകയോ നനഞ്ഞ വസ്ത്രങ്ങള് ധരിച്ചുകൊണ്ടിരിക്കുകയോ ചെയ്യരുത്.
.
ഉചിതമായ അരിഷ്ടാസ്രവങ്ങൾ വൈദ്യനിർദേശ പ്രകാരം സേവിക്കുക. അമൃതാരിഷ്ടം,പിപ്പല്യാസവം, ദശമൂലാരിഷ്ടം,ഇന്ദുകാന്തം,ച്യവനപ്രാശം,അഗസ്ത്യരസായനം, വസിഷ്ഠരസായനം മുതലായവ ഓരോരുത്തരുടെയും സാഹചര്യങ്ങൾക്കനുസരിച്ച് ഉപയോഗിക്കാവുന്നതാണ്.