ദമ്പതികളുടെ ഏറ്റവും മധുരമേറിയ കാലമാണ് ഹണിമൂണ്‍കാലം. ദമ്പതികള്‍ക്ക് പരസ്പരം മനസ്സിലാക്കാനുള്ള ഒരു അവസരമായി ഹണിമൂണിനെ കാണുന്നവരുമുണ്ട്. ബന്ധുക്കളോ മറ്റ് കുടുംബാംഗങ്ങളോ ഒന്നും ഇല്ലാതെ പുതുമ നഷ്ടപ്പെടാതെ പരസ്പരം മനസ്സിലാക്കാന്‍ പറ്റുന്ന ഒരു അവസരമാണിത്.

എന്തൊക്കെയായാലും ദാമ്പത്യത്തിന്റെ ആരംഭം ഇവിടെനിന്നു തന്നെയാണ്.സാവധാനത്തില്‍ പരസ്പരം മനസിലാക്കേണ്ടതാണു പങ്കാളികളുടെ ലൈംഗിക ഇഷ്ടങ്ങളും മറ്റും. അതിനുള്ള ദിനങ്ങളായി ഹണിമൂണിന്റെ ആദ്യകാല ഘട്ടത്തെക്കരുതാം. ആഗ്രഹങ്ങളും ബലഹീനതകളും രുചികളും തുറന്നുപറയുക. ആദ്യരാത്രിയില്‍ത്തന്നെ ലൈംഗികബന്ധവും രതിമൂര്‍ഛയും നേടാനാകാത്തതില്‍ വിഷമിക്കേണ്ട. ജീവിതം തുടങ്ങിയിട്ടല്ലേയുള്ളൂ.

എങ്ങനെ ലൈംഗികതയില്‍ ഇടപെടുന്നു എന്നതിന്റെ അത്ര തന്നെ പ്രധാനമാണ് എവിടെ ലൈംഗികതയ്ക്കായി തിരഞ്ഞെടുക്കുന്നു എന്നതും, കാരണം ഓരോ വ്യക്തികള്‍ക്കും വൈകാരിക ഉണര്‍വു സമ്മാനിക്കുന്ന ഇടങ്ങള്‍ വ്യത്യസ്തമായിരിക്കും.

എല്ലായ്‌പ്പോഴും അതു കിടപ്പറ തന്നെ ആയിരിക്കണമെന്നില്ല. ഹണിമൂണിനായി തിരഞ്ഞെടുക്കുന്ന സ്ഥലങ്ങളില്‍ വേറിട്ട പശ്ചാത്തലങ്ങളിലെ ലൈംഗികത ദമ്പതികള്‍ക്ക് ആസ്വാദ്യകരമായ പുത്തന്‍ അനുഭൂതികള്‍ പകരും.