ലൈംഗികതയില് ഇറോട്ടിക് മസാജിനുള്ള സ്ഥാനം?
ശാരീരികസുഖത്തിനും അതുവഴിയുള്ള മാനസികാഹ്ലാദത്തിനും ലൈംഗികതക്കും പ്രാധാന്യം നല്കുന്ന ഉഴിച്ചിലുകളാണ് ഈറോട്ടിക് മസ്സാജ്. സ്നേഹപൂര്ണമായ സ്പര്ശത്തിലെ ഈ വൈകാരികതീക്ഷ്ണത ഇണകളുടെ ബന്ധത്തെ കൂടുതല് സ്നേഹോഷ്മളമാക്കും. നിത്യജീവിതത്തിലെ ടെന്ഷനുകളകറ്റാനുള്ള വഴിയായും ലൈംഗികവിനോദമായുമൊക്കെ മസ്സാജിങ്ങിനെ കാണാവുന്നതാണ്.
ആവര്ത്തനം കൊണ്ടു വിരസമായ രതിജീവിതത്തിന് ഒരു നവോന്മേഷം പകരാന് ഈറോട്ടിക് മസ്സാജിങ്ങിനു കഴിയും. ആഹ്ലാദങ്ങളില്ലാതെ കെട്ടു പോയ രതിജീവിതത്തെ മസ്സാജിങ്ങിലൂടെ തഴുകിയുണര്ത്താനാവും.രതി ജീവിതത്തിന്റെ ആദ്യകാലങ്ങളില് അതിനെ ഒരുല്സവഘോഷമാക്കി മാറ്റാനും മസ്സാജിങ് സഹായകം തന്നെ.
കൂടുതല് തമാശ, കൂടുതല് വിനോദം, കൂടുതല് സ്നേഹം അതല്ലാതെ ഈറോട്ടിക് മസ്സാജിന് വേറേ ലക്ഷ്യങ്ങളൊന്നുമില്ല. മനസ്സിന് സമാധാനവും സുരക്ഷാബോധവും കുളിര്മയും പകരുന്ന നല്ലൊരു മുറിയാണ് ഏറ്റവും പ്രധാനം. പുറത്തു നിന്നുള്ള എല്ലാ ശല്യങ്ങളും ഒഴിഞ്ഞു നില്ക്കുന്ന ഭദ്രമായ ഒരിടം. വെളിച്ചത്തിന് മെഴുകുതിരി മതി.
ഈറോട്ടിക് മസ്സാജിനൊപ്പം തിരുമ്മു ചികില്സയുടെ ഗുണം കൂടി കിട്ടണമെന്നുള്ളവര്ക്ക് അനുയോജ്യമായ തൈലങ്ങളുപയോഗിക്കാം. സാധാരണക്കാര്ക്ക് വെളിച്ചെണ്ണ ഉപയോഗിച്ച് മസ്സാജ് ചെയ്യുന്നതു തന്നെ നല്ലത്. ഇരുന്നോ കിടന്നോ ആവാം ഇത്. ഇണകള് ഇരുവരും പരസ്പരം മസ്സാജ് ചെയ്യുകയാണ് വേണ്ടത്.
https://www.facebook.com/Malayalivartha