എയിഡ്സിനെ പ്രതിരോധിക്കാൻ ജനിതകമാറ്റം വരുത്തിയ നെല്ല്
ശാസ്ത്രം ഏറെ പുരോഗമിച്ചെങ്കിലും ചില രോഗങ്ങളുടെ അഥവാ രോഗാവസ്ഥയുടെ മുന്നിൽ ഇന്നും നാം പകച്ചു നിൽക്കുകയാണ്. അതിൽ ഒന്നാണ് എയ്ഡ്സ്. കൃത്യമായ ചികിത്സയോ മരുന്നോ ഇല്ലാത്തതിനാൽ തന്നെ എയ്ഡ്സ് എന്ന രോഗാവസ്ഥ എന്നും ഭീതികരമാണ്. എന്നാൽ എയിഡ്സിനെ പ്രതിരോധിക്കാൻ കഴിവുള്ള ഒരു നെൽവിത്തു കണ്ടെത്തിയിരിക്കുകയാണ് അന്താരാഷ്ട്ര ഗവേഷക സംഘം. ജനിതകമാറ്റം വരുത്തിയ(genetically mdified rice) നെൽവിത്താണ് എയിഡ്സിനെ ചെറുത്തു നില്ക്കാൻ സഹായിക്കുന്നത്. proceedings of the national academy of sciences ലാണ് ഇത് സംബന്ധിച്ച പഠനം ഗവേഷകര് പ്രസിദ്ധീകരിച്ചിരിക്കുന്നത്.
ഈ നെല്ല് ക്രീം പരുവത്തിലേക്ക് മാറ്റി ചർമത്തിൽ പുരട്ടിയാൽ മതിയാകും. ഇതുവഴി തൊക്കിലൂടെ പ്രോട്ടീനുകൾ ശരീരത്തിന് ഉള്ളിലേക്കു പ്രവേശിക്കും. ശരീരത്തിൽ പ്രവേശിച്ചാൽ ഈ പ്രോട്ടീനുകൾ എച്ച്ഐവി വൈറസിനെ നശിപ്പിക്കുകയോ, ദുര്ബലപ്പെടുത്തുകയോ ചെയ്യും. തൻമൂലം എച് ഐ വി യെ ഇല്ലാതാക്കുവാനോ പ്രതിരോധിക്കുവാനോ കഴിയും. മൂന്നു പ്രോട്ടീനുകളടങ്ങിയ ഈ ജനിതക മാറ്റം വരുത്തിയ നെൽവിത്തിലുള്ളത്.
ഈ നെല്വിത്തുകള് വളരെ കുറഞ്ഞ ചെലവിൽ പ്രത്യേക കാലാവസ്ഥയില് കൃഷി ചെയ്യാൻ കഴിയും എന്നത് ഇതിന്റെ പ്രത്യേകതയാണ്. എന്നാൽ ഈ വിത്തുകൾ ഉപയോഗിക്കുന്നതിലൂടെ പാർശ്വഫലങ്ങൾ ഉണ്ടാകുമോ എന്നതിനെ സംബന്ധിച്ചു പഠനങ്ങൾ നടക്കുന്നുണ്ട്. എങ്കിലും ചെലവ് കുറഞ്ഞ ഈ കണ്ടുപിടുത്തം എയിഡ്സ് ബാധിതർക്ക് ഏറെ ഉപകാരപ്രദമാകുമെന്നു നമുക്ക് പ്രതീക്ഷിക്കാം.
https://www.facebook.com/Malayalivartha