വ്യായാമം ചെയ്യുമ്പോൾ അതിന്റെ ഫലം കിട്ടണമെങ്കിൽ അതിന്റെ ശാസ്ത്രീയത മനസ്സിലാക്കി തന്നെ ചെയ്യണം. പലരും വ്യായാമം ചെയ്യുമ്പോൾ ഇത്തരത്തിലുള്ള കാര്യങ്ങളൊന്നുംതന്നെ ശ്രദ്ധിക്കാറില്ല.മാത്രമല്ല വ്യായാമത്തിനു മുൻപ് ഒരുപാട് കാര്യങ്ങൾ മനസ്സിലാക്കേണ്ടതുണ്ട് ; വ്യായാമം ചെയ്യുന്ന ഒരു വ്യക്തിക്ക് പ്രത്യേകിച്ച് രോഗങ്ങള്‍ ഒന്നുമില്ലെങ്കിലും ഒരു ഡോക്ടറുടെ നിര്‍ദ്ദേശം സ്വീകരിക്കുന്നത് നന്നായിരിക്കും.ഇറുകിയ വസ്ത്രങ്ങൾ കൂടുതലും വ്യായാമം ചെയ്യുന്ന സമയത് ധരിക്കാതിരിക്കുന്നതാണ് ഉത്തമം.
അയവുള്ള കോട്ടണ്‍ വസ്ത്രങ്ങള്‍ ധരിക്കുന്നതാണ് ഏറ്റവും നല്ലത്. ശരീരത്തിന്റെ ചലനങ്ങള്‍ക്ക് ബുദ്ധിമുട്ടുണ്ടാക്കുന്ന വസ്ത്രങ്ങള്‍ ഒഴിവാക്കുക.അത്‌ലറ്റിക് ഷൂ ഉപയോഗിക്കുക പരമാവധി ഹീൽ ഉള്ള ചെരുപ്പുകൾ ഒഴിവാക്കുക.വെറും വയറ്റിൽ വ്യായാമം ചെയ്യുന്നതാണ് നമ്മുടെ ആരോഗ്യത്തിനു ഏറ്റവും ഉത്തമം അത് ആരോഗ്യ നില തന്നെ മെച്ചപ്പെടുത്താൻ വളരെ സഹായിക്കുന്നു.45 മിനുട്ട് മുതല്‍ ഒരു മണിക്കൂര്‍ വരെ ദിവസേന വ്യായാമം ചെയ്യാനാണ് വിദഗ്ധരുടെ ഉപദേശം.ഇവ കൂടാതെ അമിതമായ വ്യായാമം ശരീരത്തിന് ദോഷവും ചെയ്യുന്നു എന്നതാണ് വാസ്തവം.കാലിനോ നടുവിനോ നെഞ്ചിനോ വേദന അനുഭവപ്പെടുക.വല്ലാത്ത ക്ഷീണം തോന്നുക,അമിതമായി വിയര്‍ക്കുക,സംസാരിക്കാന്‍ ബുദ്ധിമുട്ടുണ്ടാവുക
ശ്വാസംമുട്ടല്‍ അനുഭവപ്പെടുക,അമിതമായ ദാഹം അനുഭവപ്പെടുക എന്നിവ അമിത വ്യായാമത്തിന്റെ ലക്ഷണങ്ങളാണ്.