ഉറക്കക്കുറവിന് ശാശ്വത പരിഹാരം
ഇന്നത്തെ കാലത്തു പലരുടെയും പരാതിയാണ് ഉറക്കമില്ലായ്മ. ആധുനിക കാലത്തിലെ സാങ്കേതിക വിദ്യയുടെയും സോഷ്യല്‍ മീഡിയയുടെയും അമിതമായ ഉപയോഗവും മാനസിക സമ്മര്‍ദ്ദങ്ങളാലും ഉറക്കക്കുറവുണ്ടാകുന്നു .
ശരിയായ രീതിയിലുള്ള വ്യായാമവും ഡയറ്റും പോലെ തന്നെ പ്രധാനമാണ് ശരിയായ ഉറക്കവും. ഉറക്കമില്ലായ്മ തടി കൂടുവാനും അസുഖങ്ങളുടെ സാധ്യത വര്‍ധിപ്പിക്കുകയും ചെയ്യുന്നു. അത് തലച്ചോറിന്റെ പ്രവര്‍ത്തനത്തിനേയും തടസ്സപ്പെടുത്തുന്നു.
നല്ല ഉറക്കം ലഭിക്കാനുള്ള മാര്‍ഗങ്ങള്‍ അറിയുക .
പകലുറക്കം ഉപേക്ഷിക്കുക
രാത്രി നല്ല ഉറക്കം ലഭിക്കുവാനായി പകലുറക്കം ഉപേക്ഷിക്കുക. ഉറങ്ങിയേതീരൂ എന്ന നിര്‍ബന്ധം ഉള്ളവരാണെങ്കില്‍ 20 മിനുറ്റില്‍ കുറവില്‍ അലാറം വെച്ച് ഉറങ്ങുക. ഉച്ചയ്ക്ക് ഉറക്കം വരുന്ന സമയത് തണുത്ത വെള്ളം കുടിക്കുകയോ ഏതെങ്കിലും അടുത്ത സുഹൃത്തുമായി സംസാരിക്കുകയോ ചെയുക.
ബെഡ്‌റൂമിലെ വര്‍ക്കുകള്‍ ഒഴിവാക്കുക
ജോലിയുടെ ഭാഗമായി ലാപ്‌ടോപ്പും മൊബൈല്‍ ഫോണും മറ്റും ബെഡ്‌റൂമിലേക്ക് കൊണ്ടുവരുന്നത് ഒഴിവാക്കുക.
കൃത്യമായ സമയത്തില്‍ ഉറങ്ങി എണീക്കാന്‍ ശീലിക്കുക
നിശ്ചിത സമയത്തില്‍ ഉറങ്ങുവാനും എണീക്കാനും ശ്രദ്ധിക്കുക. വീക്കെന്റുകളില്‍ താമസിച്ചുറങ്ങുന്ന ശീലവും ഉപേക്ഷിക്കുക. നിങ്ങളുടെ റൂട്ടിനെ അത് ബാധിക്കുന്നു.
ഉച്ചയ്ക്ക് ശേഷമുള്ള കാപ്പി ഒഴിവാക്കുക
രാവിലെ കാപ്പി കുടിയ്ക്കുന്ന ശീലം പലരിലും ഉണ്ടാകും. എന്നാല്‍ ഉച്ചയ്ക്ക് ശേഷം അത് പരമാവധി ഒഴിവാക്കുക. ചോക്ലേറ്റുകളില്‍ ചെറിയ തോതില്‍ കാണപ്പെടുന്ന കാഫീന്‍ കണ്ടന്റ് പോലും നിങ്ങളുടെ ഉറക്കത്തിനെ ബാധിക്കാം.
വ്യായാമം പതിവാക്കുക
നല്ല ഉറക്കത്തിനായി വ്യായാമം ചെയുന്ന ശീലം പതിവാക്കുക.ഉറങ്ങാന്‍ പോകുന്നതിനു രണ്ടു മൂന്നു മണിക്കൂര്‍ മുന്‍പേയെങ്കിലും വ്യായാമം ചെയ്തിരിക്കണം.
ശരിയായ രീതിയില്‍ രാത്രി ഭക്ഷണം കഴിക്കുക
കട്ടിയുള്ളതോ അമിതമായോ രാത്രി ഭക്ഷണം കഴിക്കുന്നത് ഒഴിവാക്കുക. അത് ദഹന പ്രക്രിയയെ അവതാളത്തിലാക്കുകയും ദഹനപ്രക്രിയയെ ബാധിക്കുകയും ചെയുന്നു. ഒരു മണിക്കൂര്‍ മുന്നേയെങ്കിലും അത്താഴം കഴിക്കുവാനായി ശ്രദ്ധിക്കുക.
ഡിം ലൈറ്റുകള്‍ ഉപയോഗിക്കുക
ഉറങ്ങാന്‍ പോകുന്ന സമയത്തിന് 1 മണിക്കൂര്‍ മുന്നേതന്നെ ഡിം ലൈറ്റുകളിടുക. ഇങ്ങനെയുള്ള വെട്ടം മെലാടോണിന്‍ എന്ന ഹോര്‍മോണ്‍ ഉല്പാദിപ്പിക്കാന്‍ തലച്ചോറിനെ പ്രേരിപ്പിക്കുന്നു. ഉറങ്ങുവാന്‍ സഹായിക്കുന്ന പ്രധാന ഹോര്‍മോണാണ് മെലാടോണിന്‍ .
ഉറക്കക്കുറവിനു ഡോക്ടറിനെ സന്ദര്‍ശിക്കുക
ഒരു മാസമായി ഉറക്കമില്ലായ്മ അലട്ടുന്നുണ്ടെങ്കില്‍ ഡോക്ടറിനെ സന്ദര്‍ശിക്കുക. നിങ്ങളുടെ ആരോഗ്യക്ഷമതയെ പരിശോധിക്കാന്‍ അത് സഹായിക്കുന്നു.
https://www.facebook.com/Malayalivartha
