ഹൈക്കിങ്ങിലൂടെ ശരീരഭാരം കുറയ്ക്കാം
വിനോദസഞ്ചാരത്തിലൂടെ ആരോഗ്യം എന്നത് ഒരുപക്ഷെ നിങ്ങള്ക്ക് പുതിയ അറിവായിരിക്കാം. എന്നാല് അതെ..!!! വിനോദസഞ്ചാരത്തിലൂടെ നിങ്ങള്ക്ക് ഭാരം കുറയ്ക്കാന് കഴിയുന്നു. രസകരമായും ആവേശത്തോടെയും ഭാരം കുറയ്ക്കാന് ഇതിനേക്കാള് മികച്ച മാര്ഗം വേറെയില്ല.
ഫിറ്റ്നസ് ഐക്കണ് എന്നറിയപ്പെടുന്ന ശില്പ ഷെട്ടി തന്റെ ഇന്സ്റാഗ്രാമിലൂടെ ഹൈക്കിങ് വീഡിയോ പോസ്റ്റ് ചെയ്യുകയുണ്ടായി.
' ഞാന് വിശ്വസിക്കുന്നു എനിക്ക് പറക്കാന് കഴിയുമെന്ന്... ഞാന് വിശ്വസിക്കുന്നു എനിക്ക് ആകാശത്തെ തൊടുവാന് കഴിയുമെന്ന്' ഇതായിരുന്നു വീഡിയോയ്ക്ക് ശില്പ നല്കിയ തലക്കെട്ട്.
ഹൈക്കിങ്ങിലൂടെ നിങ്ങളുടെ ശാരീരിക ആരോഗ്യം മാത്രമല്ല മാനസിക ആരോഗ്യവും മെച്ചപ്പെടുന്നു. ഒരു വിനോദസഞ്ചാരം ചിലപ്പോള് നിങ്ങളുടെ ജീവിതത്തിനെത്തന്നെ മാറ്റിമറിച്ചേക്കാം. ഇന്ത്യയില് പലയിടങ്ങളില് പല ലെവലുകളായി 'ഹൈക്കിങ് ട്രെയ്ല്സ്' ഉണ്ട്.നിങ്ങള്ക്ക് അതിനായ് പോകുവാന് കൂട്ടില്ലെങ്കില് വിഷമിക്കേണ്ട .
പല ഇവെന്റുകളും മറ്റുമായി വിനോദസഞ്ചാരത്തിനായി ഒട്ടനവധി വാട്സാപ്പ് ഫേസ്ബുക് ഗ്രൂപ്പുകളുണ്ട്.ഹൈക്കിങ്ങിലൂടെ നിങ്ങള്ക്ക് ലഭിക്കുന്ന നേട്ടങ്ങളിതാ
ശരീരഭാരം കുറയുന്നു
വ്യായാമങ്ങളിലൂടെ ശരീരഭാരം നിയന്ത്രിക്കുവാനും സംരക്ഷിക്കുവാനും കഴിയുമെന്നത് എല്ലാവര്ക്കും അറിയാവുന്ന കാര്യമാണ്. ഏതുതരം വ്യായാമങ്ങളിലേര്പ്പെടുന്നവരുടെയും ശരീരഭാരം കുറയുന്നു.
ഒരു ദീര്ഘയാത്രയിലൂടെ നിങ്ങളിലെ കാലറികള് എരിയുന്നത് വളരെ വലിയ തോതിലാണ്. പരന്ന സ്ഥലങ്ങളിലെയും കുന്നുകളിലുള്ള നടത്തവും തമ്മില് വളരെ വലിയ അന്തരം ആണുള്ളത് .
ശരീരത്തിലെ മുഴുവന് മസിലുകളെയും അത് ഉപയോഗിക്കുന്നു.
ദൃഢത വര്ധിക്കുന്നു
ശരീരത്തിലെ മുഴുവന് മസിലുകളും ഉപയോഗിക്കപ്പെടുന്നതിനാല് ശരീരത്തിലെ ദൃഢത വര്ധിക്കുന്നു. എല്ലുകളെ ശക്തിപ്പെടുത്താനും മസിലുകളെ രൂപീകരിക്കാനും സഹായിക്കുന്നു. ഹൈക്കിങ്ങില് മലമുകളില് കയറുന്നതിനാല് ശരീരത്തിന്റെ സമതുലനാവസ്ഥയെ നിലനിര്ത്തുകയും പരിതോഷിപ്പിക്കുകയും ചെയുന്നു.
ഉയര്ന്ന രക്തസമ്മര്ദ്ദത്തിനെ നിയന്ത്രിക്കുവാനും സ്ട്രോക്കുകളുടെ സാധ്യതയും ഇല്ലാതാക്കുന്നു.
ശരീരത്തിനെ ഉഷാറാക്കുന്നു
സ്ഥിരമായ നടത്തവും ഹൈക്കിങ്ങുമെല്ലാം നിങ്ങളുടെ ശരീരാകൃതിയെ നിലനിര്ത്തുന്നു. ചായ്വുള്ള സ്ഥലങ്ങളിലെ നടത്തം മൊത്തം മസിലുകളെയും പ്രവര്ത്തിപ്പിക്കുന്നു.
യാത്രയിലേ ബാഗുമായുള്ള നടത്തം ജിമ്മിലെ സ്ട്രെങ്ത് ട്രൈനിങ്ങിനു സമമായ പ്രവര്ത്തിക്കുന്നു.
മാനസിക ആരോഗ്യം ഉറപ്പുവരുത്തുന്നു
ദിവസേനയുള്ള തിരക്കുപിടിച്ചതും സമ്മര്ദങ്ങളിലും നിറഞ്ഞ മനസിനെയും ജീവിതത്തിനെയും കരകയറ്റാന് ഹൈക്കിങ്ങിലൂടെ സാധിക്കുന്നു. ഒരാളുടെ മൂഡിനെ മാറ്റാന് തക്ക കഴിവുള്ളതാണ് ഹൈക്കിങ്.
മനോഹരമായ കാഴ്ചകളും അതിലൂടെയുള്ള യാത്രയും ശുദ്ധമായ വായുവും പ്രകൃതിയുടെ ശബ്ദവും വാസനയും മനസിനെ സന്തോഷിപ്പിക്കുന്നു. ഒരു 'അണ്പ്ലഗ്ഗിങ്' എന്നുതന്നെ പറയാം.
മനസിനെ ഉല്ലസിപ്പിക്കാനും തലച്ചോറിന്റെ പ്രവര്ത്തനത്തിന് ശക്തി കൂട്ടാനും ഇത് സഹായിക്കുന്നു. ഒരുപക്ഷെ ജീവിതത്തിലെ കാഴ്ചപ്പാടിനെതന്നെ മാറ്റുവാന് ഹൈക്കിങ്ങിനു കഴിയും.
https://www.facebook.com/Malayalivartha