അമിതമായ ഇയര്ഫോണ് ഉപയോഗം കേള്വി അപകടത്തിലാക്കും
ഇയര്ഫോണ് ഉപയോഗിച്ച് പാട്ടുകേട്ട് നടക്കുന്ന നിരവധി ചെറുപ്പക്കാരേയും, വിദ്യാര്ത്ഥികളേയുമെല്ലാം നമുക്കു ചുറ്റും ഇന്ന് കാണാനാകും. അതിന്റെ അമിത ഉപയോഗം ചെവിയെ സാരമായി തന്നെ ബാധിക്കും. അത് ചിലപ്പോള് കേള്വിക്കുറവുണ്ടാകുന്നതിലേക്ക് വരെ നയിച്ചേക്കാം. വിലയ്ക്ക് ഗുണമേന്മയില്ലാത്ത ഇയര്ഫോണുകളും മറ്റും വാങ്ങി വെറുതേ കേള്വി ശക്തി ഇല്ലാതാക്കരുത്. വാങ്ങുമ്പോള് നല്ല വിലകൊടുത്ത് ആരോഗ്യകരമായ സാങ്കേതിക സംവിധാനങ്ങളുള്ള ഇയര് ഫോണുകള് തന്നെ വാങ്ങുക.
ഏതുനേരവും പാട്ടും കേട്ട് രസിച്ച് നടക്കുന്നവര് സൂക്ഷിക്കുക. നിങ്ങളുടെ ഐപോഡ് അല്ലെങ്കില് എംപിത്രി ഉപയോഗം അതിരുകടക്കുന്നുണ്ടെങ്കില് അത് കേള്വിശക്തിയെത്തന്നെ ബാധിക്കാനിടയുണ്ട് . എഴുപത്തിരണ്ട് മിനിറ്റില് കൂടുതല് നേരം തുടര്ച്ചയായി ഇയരര്ഫോണ് ഉപയോഗിച്ചാല് പുറത്തുനിന്നുള്ള ശബ്ദങ്ങള് കേള്ക്കാനുള്ള ചെവിയുടെ കഴിവിന് ഭംഗം വരുമെന്നാണ് ഗവേഷകര് പറയുന്നത് . ഓരോ മണിക്കൂര് കഴിയുമ്പോഴും ചെവികള്ക്ക് വിശ്രമം കൊടുക്കുക. കഴിയുന്നതും ചെറിയ ശബ്ദത്തില് മാത്രം ഐപോഡ് അല്ലെങ്കില് എംപിത്രി ഉപയോഗിക്കുക.
https://www.facebook.com/Malayalivartha
