ഉയരം കൂടുന്തോറും ക്യാന്സര് സാധ്യത വർദ്ധിക്കും ; പഠനം പറയുന്നു
പൊതുവെ ഉയരം ഇല്ലാത്തതിന്റെ പേരിൽ നിരാശയടിച്ചിരിക്കുന്നവരാണ് ഭൂരിഭാഗം പേരും. അതേസമയം ,ഉയരം കൂടുതലുള്ളവരെ കാണുമ്പോളാകട്ടെ ഇക്കൂട്ടരുടെ നിരാശ പതിന്മടങ്ങാകുകയും ചെയ്യും . എന്നാൽ ഇപ്പോൾ ഇക്കൂട്ടർക്ക് ആശ്വാസം പകരുന്ന റിപ്പോർട്ട് ആണ് പുറത്തുവന്നിരിക്കുന്നത്.
ഉയരം അത്ര അനുകൂല ഘടകമല്ല എന്നാണ് പഠനങ്ങൾ പറയുന്നത്.ഇവരിൽ ക്യാന്സര് സാധ്യത കൂടുതലാണെന്നാണ് പുതിയ പഠനത്തിലെ കണ്ടെത്തല്.
ഒരു ദശലക്ഷത്തോളം ആളുകളില് നടത്തിയ പഠനത്തിലാണ് ഈ കണ്ടെത്തൽ . ഓരോ പത്ത് സെന്റീമീറ്റര് ഉയരം കൂടുമ്പോഴും ക്യാന്സര് സാധ്യത 13ശതമാനം കൂടുമെന്നാണ് പഠനത്തിലെ കണ്ടെത്തല്. റോയല് സൊസൈറ്റി പുറത്തുവിട്ട പഠന റിപ്പോര്ട്ടില് ഇത് വിശദീകരിക്കുന്നുണ്ട്. പുരുഷന്മാരുടെ ശരാശരി ഉയരം അഞ്ച് അടി എഴ് ഇഞ്ചും സ്ത്രീകളുടേത് അഞ്ച് അടി മൂന്ന് ഇഞ്ചും എന്ന് കണക്കാക്കിയാണ് പഠനം നടത്തിയത്.
ശരാശരി ഉയരമുള്ള സ്ത്രീകളില് 500പേരില് 50 പേര്ക്ക് ക്യാന്സര് പിടിപെടുകയാണെങ്കില് ഉയരം കൂടുതല് ഉള്ളവരില് 500ല് 60പേര് ക്യാന്സര് ബാധിതരാകുമെന്നാണ് പഠനത്തിലെ കണ്ടെത്തല്. ഉയരം കൂടുന്തോറും ക്യാന്സര് ബാധിതരുടെ എണ്ണവും വര്ദ്ധിക്കുമെന്ന് പഠനത്തില് പറയുന്നു. 23തരത്തിലുള്ള ക്യാന്സറുകള് വിലയിരുത്തിയതില് 18തരം ക്യാന്സറുകള്ക്കും ഉയരം അപകട ഘടകമായി കണ്ടെത്തി.
https://www.facebook.com/Malayalivartha