40 കഴിഞ്ഞ പുരുഷന്മാരില് വരാൻ സാധ്യത കൂടുതലുള്ള ചില അസുഖങ്ങൾ! കാരണം ഇതാണ്; സൂക്ഷിക്കുക
പ്രായത്തിനൊപ്പം തന്നെ നമ്മുടെഎല്ലാം ആരോഗ്യ കാര്യത്തിലും പ്രശ്നങ്ങൾ സംഭവിക്കാം. കൂടെ അസുഖങ്ങളും കടന്നു കൂടും. ഇത് പുരുഷന്മാരിലും സ്ത്രികളിലുമെല്ലാം കാണാവുന്ന സ്വാഭാവികമായ മാറ്റമാണ്. അതേസമയം സ്ത്രീകളെ അപേക്ഷിച്ച് പുരുഷന്മാര്ക്ക് ആരോഗ്യം സംബന്ധിച്ച ചില വെല്ലുവിളികള് നിലനില്ക്കുന്നുണ്ടെന്നാണ് പഠനം. പ്രധാനമായും സ്ത്രീകളെക്കാള് മാനസികസമ്മര്ദ്ദം ആരോഗ്യത്തെ ബാധിക്കുന്നത് പുരുഷന്മാരിലാണെന്നതാണ് ഇതിനുള്ള ഒരു കാരണമായി പറയുന്നത്.
അതുപോലെ തന്നെ പുകവലി- മദ്യപാനം- ലഹിവസ്തുക്കളുടെ ഉപയോഗം എന്നിവ മൂലവും പുരുഷന്മാരില് അസുഖങ്ങള് കൂടുതലായി കാണാം. മാത്രമല്ല സ്ത്രീകളെ അപേക്ഷിച്ച് ആരോഗ്യ പ്രശ്നങ്ങള് മനസിലാക്കുകയോ ആവശ്യമായ വിദഗ്ധ നിര്ദേശങ്ങളോ ചികിത്സയോ തേടുന്ന പുരുഷന്മാരുടെ എണ്ണം കുറവാണെന്നതും ശ്രദ്ധേയമായ വസ്തുതയാണ്. 40 വയസ് കടന്നുകഴിഞ്ഞാല് ഇക്കാര്യങ്ങളില് നിര്ബന്ധമായും പുരുഷന്മാര് ജാഗ്രത പാലിക്കേണ്ടതാണ്.
40 കഴിയുമ്പോള് പുരുഷന്മാരില് പേശീബലം കുറഞ്ഞുവരുന്നു. ഇതും കാര്യമായ ശ്രദ്ധ നല്കേണ്ട ഭാഗം തന്നെയാണ്. എന്തായാലും ഇത്തരത്തില് 40 കഴിഞ്ഞ പുരുഷന്മാരില് സാധ്യത കൂടുതലുള്ള ചില അസുഖങ്ങൾ ഇവയൊക്കെയാണ്. ഹൃദ്രോഗങ്ങള് പ്രത്യേകിച്ച് ഹൃദയാഘാതം, പ്രമേഹം, ഹൈപ്പര്ടെന്ഷന്, വിഷാദരോഗം, ചിലയിനം അര്ബുദങ്ങള് , പ്രോസ്റ്റേറ്റ് സംബന്ധമായ പ്രശ്നങ്ങള്, ഉറക്കപ്രശ്നങ്ങള്, കൊളസ്ട്രോള്, ലൈംഗികതയുമായി ബന്ധപ്പെട്ട പ്രശ്നങ്ങള്, ഈ രോഗങ്ങൾ സമയത്തിന് കണ്ടെത്തി, ചികിത്സ തേടുകയെന്നതാണ് ഇതിന് തടയിടാനുള്ള ഏക മാര്ഗം..
https://www.facebook.com/Malayalivartha