അലർജി നേരിടാൻ ചെയ്യേണ്ടത് ഇതാണ്; അറിയാം ഇക്കാര്യങ്ങൾ
നമ്മുക്ക് മിക്കവർക്കും ഉണ്ടാകുന്ന ഒന്നാണ് അലർജി. പലരും നേരിടുന്ന പ്രശ്‌നവുമാണ്. എന്നാൽ ചില മുന്‍കരുതല്‍ എടുക്കുന്നതിലൂടെ അലര്‍ജി തടയാന്‍ കഴിയും. അതിനായി രാവിലെ പുറത്തിറങ്ങാതിരിക്കുകയാണ് ആദ്യ വഴി. രാവിലെ അഞ്ചു മണിമുതല്‍ 10 വരെ വീടിനുള്ളില്‍ തന്നെ കഴിയുക.
രാവിലെ ഉണ്ടാകുന്ന ശക്തമായ കാറ്റും, കുറഞ്ഞ ആര്‍ദ്രതയും ഉള്ള സമയങ്ങളിലാണ് അലര്‍ജി വരാനുള്ള സാധ്യത. ഇനി രാവിലെ പുറത്തേക്കു പോകണമെങ്കില്‍ അലര്‍ജി മരുന്നു കഴിച്ചശേഷം പുറത്തിറങ്ങാൻ കൂടുതലായും ശ്രദ്ധിക്കുക. കൈ കഴുകുന്നത് അണുക്കള്‍ കുറയ്ക്കാന്‍ സഹായിക്കും. വസ്ത്രങ്ങള്‍ പെട്ടെന്നു തന്നെ കഴുകുന്നത് അലര്‍ജി സാധ്യത കുറയ്ക്കും.
അതുപോലെ പൊടിയും പരാഗങ്ങളും നഗ്നനേത്രങ്ങള്‍ കൊണ്ട് കാണാന്‍ കഴിഞ്ഞെന്നു വരില്ല. എങ്കിലും ഇത് നിങ്ങളുടെ വസ്ത്രങ്ങളില്‍ പറ്റിപ്പിടിക്കുകയും അലര്‍ജിക്കു കാരണമാകുകയും ചെയ്യുന്നുണ്ട്. റൂമിനുള്ളിലാകുമ്പോള്‍ ഇതു തടയാന്‍ എ.സി ഉപയോഗിക്കുകയാണ് ചെയ്യേണ്ടത്.
ഇതുകൂടാതെ പരാഗങ്ങളും കാലാവസ്ഥാ മാറ്റവും പെട്ടെന്ന് ബാധിക്കാതിരിക്കാന്‍ മുറിയുടെ ജനലുകള്‍ അടയ്ക്കുക. വാഹനമോടിക്കുന്ന സമയത്തും ഗ്ലാസുകള്‍ താഴ്ത്തുക. പഴയ സാധനങ്ങള്‍ വൃത്തിയാക്കുകയും അടുക്കിവെയ്ക്കുകയും മറ്റും ചെയ്യുമ്പോള്‍ മുഖത്ത് മാസ്‌ക് ധരിക്കാൻ ശ്രദ്ധിക്കുക.
https://www.facebook.com/Malayalivartha
