ചെറിയ ചെറിയ വേദനകളെയൊക്കെ നിസാരവത്കരിക്കുന്ന സ്വഭാവമുള്ളവരാണ് നമ്മളില്‍ പലരും അല്ലെ.. എന്നാല്‍ അങ്ങനെയുള്ള ചില അവഗണനകള്‍ ഭാവിയില്‍ നമുക്ക് വലിയ പ്രശ്‌നങ്ങള്‍ ഉണ്ടാക്കാനും സാധ്യതയുണ്ട്.

പ്രത്യേകിച്ച് ഇന്നത്തെ കാലത്ത് വലിയ അസുഖങ്ങള്‍ വരുന്നതിന് മുമ്പുള്ള ലക്ഷണങ്ങളാകാം ചെറിയ ചചെറിയ വേദനകള്‍. അതുകൊണ്ട് തന്നെ ഇത്തരത്തിലുള്ള ആരോഗ്യപ്രശ്നങ്ങള്‍ പതിവായി നേരിടുന്നവരാണെങ്കില്‍ ഡോക്ടറെ കാണുകയും ആവശ്യമായ പരിശോധനകള്‍ നടത്തുകയും വേണം എന്നാണ് വിദഗ്ധര്‍ അഭിപ്രായപ്പെടുന്നത്.

ഇപ്പോഴിതാ പ്രമേഹം ഉണ്ടാകും എന്ന് നമ്മെ അറിയിക്കുന്ന ചില ലക്ഷണങ്ങളെ കുറിച്ച് നമുക്ക് പരിശോധിക്കാം.. പ്രമേഹത്തിന്റെ ആദ്യഘട്ടങ്ങളില്‍ കാണാവുന്ന ലക്ഷണങ്ങളാണ് പ്രധാനമായും ഇതില്‍ ഉള്‍ക്കൊള്ളിക്കുന്നത്.

അതില്‍ ഒന്നാണ് വിശപ്പ് കൂടുന്നത്. പ്രമേഹം പിടിപെടുന്ന രോഗിക്ക് സ്വാഭാവികമായും ഊര്‍ജ്ജം കുറയും. കൈകാലുകള്‍ വിറക്കാന്‍ തുടങ്ങും. എത്ര ഭക്ഷണം കഴിച്ചാലും വീണ്ടും ക്ഷീണം അനുഭവപ്പെടാം. അതോടെ പിന്നെയും ഭക്ഷണം വേണമെന്ന തോന്നലുണ്ടാകുന്നു.

കാഴ്ച മങ്ങുന്നതാണ് അടുത്ത ലക്ഷണം. രക്തത്തില്‍ പഞ്ചസാരയുടെ അളവ് വര്‍ധിക്കുമ്പോള്‍ അത് ശരീരത്തിലെ വിവിധ അവയവങ്ങളുടെ പ്രവര്‍ത്തനത്തെ പ്രതികൂലമായി ബാധിക്കുന്നു. കണ്ണിലെ രക്തക്കുഴലുകള്‍ക്കും ഇത് സാരമായ കേടുപാടുകള്‍ വരുത്തുന്നു. ഇങ്ങനെയാണ് പ്രമേഹരോഗികളില്‍ കാഴ്ചയ്ക്ക് മങ്ങലുണ്ടാകുന്നത്. ഇത് ഉടന്‍ തന്നെ ചികിത്സിച്ചില്ലെങ്കില്‍ ക്രമേണ കാഴ്ച പൂര്‍ണമായും നഷ്ടപ്പെടാനും സാധ്യതയുണ്ട്.

കൈകാലുകളില്‍ മരവിപ്പ്, നീര് എന്നീ പ്രശ്നങ്ങള്‍ കാണ്ടാലും ഉടന്‍ ഡോക്ടറെ സമീപിക്കണം. ഇത്തരം സൂചനകളും പ്രമേഹത്തിന്റെ ലക്ഷണങ്ങളാണ്. പ്രമേഹരോഗികളില്‍ രക്തയോട്ടം കുറയുമ്പോഴാണ് ഇത്തരത്തിലുള്ള മരവിപ്പുകള്‍ അനുഭവപ്പെടുക.

'മൂഡ് സ്വിംഗ്സ്'ഉള്ളവരാണോ നിങ്ങള്‍ എങ്കില്‍ അതും പ്രമേഹത്തിന്റെ ലക്ഷണമാണ്.

മാത്രമല്ല പെട്ടെന്ന് ശരീരഭാരം കുറയുന്നതും പ്രമേഹരോഗത്തിന്റെ ലക്ഷണമാണെന്നാണ് വിദഗ്ധര്‍ അഭിപ്രായപ്പെടുന്നത്. ശരീരത്തിന് വിവിധ പ്രവര്‍ത്തനങ്ങള്‍ക്കാവശ്യമായ ഊര്‍ജ്ജം ലഭിക്കാത്തതുകൊണ്ട് തന്നെ ശരീരം നേരത്തേ സൂക്ഷിച്ചുവച്ചിട്ടുള്ള കൊഴുപ്പില്‍ നിന്നും മറ്റുമായി ഊര്‍ജ്ജം എടുക്കാം. ഇതുകൊണ്ടാണ് ശരീരഭാരം കുറയുന്നത്.

അടുത്ത് ഏറ്റവും ശ്രദ്ധിക്കേണ്ട ഒരു കാര്യമാണ്. ശരീരത്തില്‍ ഉണ്ടാകുന്ന മുറിവുകള്‍ പെട്ടെന്ന് ഉണങ്ങാതിരിക്കുക എന്നതും പ്രമേഹത്തിന്റെ ലക്ഷണമാണ്. പ്രമേഹത്തിന്റെ ഭാഗമായി രോഗപ്രതിരോധ വ്യവസ്ഥ ബാധിക്കപ്പെടുന്നതോടെയാണ് മുറിവുകളോ പരിക്കുകളോ പെട്ടെന്ന് ഭേദമാകാതിരിക്കുന്നത്. എന്നാല്‍ ഇത് ശ്രദ്ധിച്ചില്ലെങ്കില്‍ ആ ഭാഗം തന്നെ മുറുച്ചുമാറ്റേണ്ടി വരും.