പൊതുവെ ഉച്ചയുറക്കം നല്ലതെല്ലെന്നാണ് പറയാറുള്ളത്. എന്നാൽ അമേരിക്കയിലെ പെന്‍സില്‍വേനിയ യൂണിവേഴ്‌സിറ്റിയിലെ ഗവേഷകരുടെ കണ്ടെത്തല്‍ മറ്റൊന്നാണ്. ഉച്ചയൂണു കഴിഞ്ഞ് ഒരുമണിക്കൂര്‍ മയങ്ങുന്നത് ഓര്‍മശക്തിയും തീരുമാനങ്ങളെടുക്കാനുള്ള കഴിവും വര്‍ദ്ധിപ്പിക്കുമെന്നാണ് ഇവർ പറയുന്നത്.

സാധാരണയായി മുതിര്‍ന്നവരിലുണ്ടാകുന്ന ഓര്‍മക്കുറവ് പരിഹരിക്കാന്‍ ഉച്ചയ്ക്ക് ഒരു മണിക്കൂറെങ്കിലും ഉറങ്ങിയാൽ മതിയെന്നാണ് പഠനത്തിന് നേതൃത്വം നല്‍കിയവർ ചൂണ്ടിക്കാട്ടുന്നത്. 65 വയസ്സിനു മുകളില്‍ പ്രായമുള്ള മൂവായിരം പേരെ പഠനവിധേയമാക്കിയതിന് ശേഷമാണ്‌ ഗവേഷകർ ഈ നിഗമനത്തിലെത്തിയത്.

മാത്രമല്ല ഈ കണ്ടെത്തൽ പ്രകാരം ഒരു മണിക്കൂര്‍ വരെ ഉച്ചമയക്കത്തിലേര്‍പ്പെടുന്നവര്‍ മറ്റുള്ളവരേക്കാള്‍ ശാരീരികവും മാനസികവുമായി മെച്ചപ്പെട്ടവരാണെന്നാണ് പഠനസംഘത്തിന്റെ കണ്ടെത്തലുള്ളത്. ഉച്ചയ്ക്ക് തീരെ മയങ്ങാത്തവരുടെ മാനസികാരോഗ്യം മറ്റുള്ളവരേക്കാള്‍ മൂന്നു മുതല്‍ ആറുമടങ്ങുവരെ കുറവായിരിക്കുമെന്നും പഠനത്തിൽ വ്യക്തമാക്കുന്നുണ്ട്.