ക്യാന്‍സര്‍ സെല്ലുകളെ പലപ്പോഴും നമുക്ക് തുടക്കത്തില്‍ തന്നെ കണ്ടെത്താൻ സാധിച്ചെന്ന് വരില്ല. എന്നാൽ ചില അസാധാരണ ലക്ഷണങ്ങള്‍ ശരീരത്തില്‍ കാണുമ്പോഴാണ് നമ്മളില്‍ പലരും പരിശോധനയ്ക്ക് വിധേയമാകുന്നത് പോലും. അപ്പോഴേക്കും, ക്യാന്‍സര്‍ നമ്മുടെ ശരീരത്തെ ആക്രമിക്കാന്‍ തുടങ്ങിയുട്ടുണ്ടാവും. ഇപ്പോഴിതാ ക്യാന്‍സര്‍ നമ്മുടെ ശരീരത്തില്‍ വളരുന്നുണ്ടോ എന്ന് ചില ലക്ഷണങ്ങളിലൂടെ നമുക്ക് മനസ്സിലാക്കാന്‍ സാധിക്കും. തുടക്കത്തില്‍ തന്നെ ഇത്തരം ലക്ഷണങ്ങളെക്കുറിച്ച്‌ നമുക്ക് ബോധ്യം വന്നാല്‍ അതിനു വേണ്ട ചികിത്സകള്‍ തുടങ്ങാന്‍ സാധിക്കുന്നതാണ്.

അതായത് ശ്വാസതടസ്സമോ അലര്‍ജിയോ ഇല്ലാതിരിയ്ക്കുന്ന ഒരാള്‍ക്ക് പെട്ടെന്ന് ശ്വാസതടസ്സം ദിവസങ്ങളോളം നീണ്ടു നില്‍ക്കുന്നുണ്ടെങ്കില്‍ ഉടന്‍ തന്നെ പരിശോധനയ്ക്ക് വിധേയമാകേണ്ടതാണ്. പലപ്പോഴും ശ്വാസകോശ ക്യാന്‍സറിന് ഇത് കാരണമായേക്കാം. ഇതുകൂടാതെ ഇടയ്ക്കിടയ്ക്ക് വിട്ടുമാറാതെയുള്ള പനിയും അലര്‍ജിയും ഉണ്ടെങ്കില്‍ തന്നെ രക്താര്‍ബുദത്തിന്റെ ലക്ഷണമായി കണക്കാക്കാവുന്നതാണ്. ക്യാന്‍സര്‍ കോശങ്ങള്‍ രക്തകോശങ്ങളെ ആക്രമിക്കുകയും വെളുത്ത രക്താണുക്കളുടെ അളവ് കുറയുകയും ചെയ്യുകയാണ്.

അതോടപ്പം തന്നെ അമിതക്ഷീണം തോന്നുന്നുണ്ടെങ്കില്‍ അതൊരിക്കലും ക്യാന്‍സര്‍ ലക്ഷണമാകണം എന്നില്ല. എന്നാല്‍ ചില സാഹചര്യങ്ങളില്‍ അത് ക്യാന്‍സര്‍ ലക്ഷണവുമാകാവുന്നതാണ്. കഴുത്തില്‍ നീര്‍വീക്കം ഉണ്ടാവുന്നതും കഴുത്തില്‍ മുഴ കാണപ്പെടുന്നതും തൊണ്ടയിലെ ക്യാന്‍സര്‍ ലക്ഷണമാകാനും സാധ്യതയുള്ളതായി പറയപ്പെടുന്നു. മലബന്ധം ഉണ്ടാവുന്നതും ശോധന വര്‍ദ്ധിക്കുന്നതും ചിലപ്പോള്‍ വയറ്റിലെ ക്യാന്‍സറിന്റെ ലക്ഷണങ്ങളില്‍ ഒന്നാണ്. മലത്തില്‍ രക്തം കണ്ടാല്‍ ഉടന്‍ തന്നെ വൈദ്യപരിശോധനയ്ക്ക് വിധേയമാകേണ്ടതാണ്. ഇത് പലപ്പോഴും കൊളാക്ടറല്‍ ക്യാന്‍സറിന് കാരണമാകുകയും ചെയ്യും.

കൂടാതെ സഹിക്കാനാവാത്ത പുറം വേദന നിങ്ങള്‍ക്കുണ്ടോ, എന്നാല്‍ ഉടന്‍ തന്നെ ഡോക്ടറെ കാണേണ്ടത് ആവശ്യമാണ്. കാരണം പല പുറം വേദനകളും കരളിലെ ക്യാന്‍സറുമായി ബന്ധപ്പെട്ടവയാണ് എന്നും അധികൃതർ ചൂണ്ടിക്കാണിക്കുന്നു. പുരുഷ ലൈംഗികാവയവത്തില്‍ തന്നെ അമിതമായ വേദനയും നീര്‍ക്കെട്ടും ഉണ്ടെങ്കില്‍ അത് പലപ്പോഴും പ്രോസ്റ്റേറ്റ് ക്യാന്‍സറിന് കാരണമായി മാറുന്നുണ്ട്. നെഞ്ചുവേദനകളെല്ലാം ഹാര്‍ട്ട് അറ്റാക്ക് ലക്ഷണമല്ല. നെഞ്ചു വേദന സ്ഥിരമായി ഉണ്ടെങ്കില്‍ പലപ്പോഴും അത് രക്താര്‍ബുദത്തിന്റെ സാധ്യതയാണ് സൂചിപ്പിക്കുന്നത് എന്നും അധികൃതർ ചൂണ്ടിക്കാണിക്കുന്നു.