മഴക്കാലത്തെ ഷൂവിലെ രൂക്ഷഗന്ധം ആത്മവിശ്വാസത്തെ തകർക്കുന്നുണ്ടോ? ചെയ്യേണ്ടത് ഇത്രമാത്രം
മഴക്കാലത്തും സോക്സും ഷൂവുമെല്ലാം ധരിക്കുന്നവരാണ് മിക്കവരും. എന്നാൽ ഇതെല്ലാം മഴയിൽ നനഞ്ഞതിന്റെ ഫലമായി പുറത്ത് വരുന്ന രൂക്ഷമായ ഗന്ധം നമ്മുടെ ആത്മവിശ്വാസം നശിപ്പിക്കാനുള്ള കാരണമായേക്കാം. എങ്കിൽ ഇതാ പാദരക്ഷകള്‍ക്കുള്ളിലെ രൂക്ഷ ഗന്ധം അകറ്റാന്‍ ചില എളുപ്പവഴികൾ.
രാത്രിയിൽ ഷൂവിന്റെ ഉള്ളില്‍ 3-4 ടീ സ്പൂണ്‍ ബേക്കിംഗ് സോഡ ഇട്ടുവെക്കുന്നത് നല്ലതാണ്. ഇത് രാവിലെ ആകുമ്പോഴേക്കും ദുർഗന്ധം അകന്നിരിക്കാൻ സഹായിക്കും. ഇത് കൂടാതെ ഷൂവിന് വേണ്ടി ഉപയോഗിക്കുന്ന പെര്‍ഫ്യൂം ഉപയോഗിക്കുന്നതും വളരെ നല്ലതാണ്.
ഇത് കൂടാതെ എട്ടു ലിറ്റര്‍ വെള്ളത്തില്‍ രണ്ടു കപ്പ് വിനാഗിരി ലയിപ്പിക്കുക. തുടർന്ന് ഇതിലേക്ക് ഷൂ ഇട്ട് ഒരു മണിക്കൂര്‍ കുതിര്‍ത്തുവെച്ചശേഷം പേപ്പറോ ടവലോ ഉപയോഗിച്ച്‌ നന്നായി തുടച്ചതിന് ശേഷം ഉണങ്ങാന്‍ വെയ്ക്കുക. കൂടാതെ ടീബാഗുകള്‍ നന്നായി കഴുകിയശേഷം ഉണക്കുക. ഇത് ഷൂവിന്റെ കീഴ്ഭാഗത്തേക്ക് രാത്രി മുഴുവന്‍ വച്ചാല്‍ ദുര്‍ഗന്ധം അകറ്റാനാകുന്നതാണ്.
ഇനി കുറേയേറെ സമയം ഷൂ ഉപയോഗിക്കുന്നവരാണെങ്കില്‍ ഇങ്ങനെ ചെയ്യാം. ഷൂവിന്റെ അടിയിലായി ഡ്രൈയര്‍ ഷീറ്റുകളോ ന്യൂസ് പേപ്പറുകളോ വെച്ച് ഉപയോഗിക്കുക. പിന്നീട് ഈ ഷീറ്റുകള്‍ എടുത്തു കളയുക. മാത്രമല്ല നേരിട്ട് സൂര്യപ്രകാശം ഏല്‍ക്കുന്ന പ്രദേശത്ത് ഏകദേശം എട്ട് മണിക്കൂർ വെച്ചാലും ദുർഗന്ധം അകലാൻ സാധിക്കും.
https://www.facebook.com/Malayalivartha
