എന്നും തലയില് എണ്ണ തേക്കാറുണ്ടോ? ഗുണങ്ങള് അറിഞ്ഞാൽ ഞെട്ടും!
സൗന്ദര്യ കാര്യത്തിൽ വിട്ടുവീഴ്ചയില്ലാത്തവരാണ് മിക്കവാറും. ശരീരവും, മുഖ സൗന്ദര്യവും ഒരുപോലെ സംരക്ഷിക്കുന്നവർ മുടിയുടെ ആരോഗ്യവും നന്നായി ശ്രദ്ധിക്കേണ്ടത് പ്രധാനമാണ്. പലർക്കും തിരക്കേറിയ ജീവിതരീതിയെ തുടർന്ന് വേണ്ടതുപോലെ മുടിക്ക് സംരക്ഷണം നല്കാന് സാധിക്കാറില്ല. എന്നാൽ ചെറുപ്പത്തില് നിത്യേന എണ്ണ തേച്ച് പരിപാലിച്ചിരുന്ന മുടി പിന്നീട് ഷാമ്പുവിന് വിട്ടു കൊടുക്കുന്നവരാണ് അധികവും.
എന്നും തലയില് എണ്ണ തേച്ചാല് കിട്ടുന്ന ഗുണങ്ങള് ഇതൊക്കെയാണ്. മുടി പെട്ടെന്ന് തന്നെ വരണ്ടുപോകുന്നത് കാണാറുണ്ട്. ഈ വരള്ച്ച മുടി വിണ്ടുപൊട്ടുന്നതിലേക്കും മുടി കൊഴിച്ചിലിലേക്കും നയിക്കും. ഇതില്ലാതാക്കാനായി പതിവായി എണ്ണ തേച്ചാല് മുടിക്ക് ജലാംശം ലഭിക്കുകയും ആരോഗ്യത്തോടെ മുടി നിലനില്ക്കുകയും ചെയ്യും.
അതേസമയം എണ്ണയും ജലാംശവുമില്ലാതെ വരണ്ട തലമുടിയിലേക്കാണ് പേനും താരനും ആകര്ഷിക്കപ്പെടുന്നതും മുടി ചീത്തയാകുന്നതും. അതിനാൽ എണ്ണ തേക്കുകയും തല മസ്സാജ് ചെയ്യാന് സമയം കണ്ടെത്തുകയും ചെയ്താല് മുടിയുടെ പൊതുവായുള്ള പ്രശ്നങ്ങള് ഏറെ പരിഹരിക്കാവുന്നതാണ്.
ചുരുണ്ട മുടി ഇഷ്ടമുള്ളവർ നിരവധിയാണ്. എന്നാൽ ചുരുണ്ട മുടി ഉള്ളവർക്ക് അത് നന്നായി പരിപാലിക്കാൻ ബുദ്ധിമുട്ടാണ്. ഇവർ പൊതുവെ നേരിടുന്ന പ്രശ്നമാണ് വരള്ച്ച. ഇങ്ങനെയുള്ള തലമുടിയില് പതിവായി എണ്ണ നന്നായി പുരട്ടുന്നത് ഗുണം ചെയ്യും. മാത്രമല്ല എല്ലാ തരത്തിലുള്ള മുടിയ്ക്കും അത്യാവശ്യമാണ് ആഴ്ചയില് രണ്ടു തവണയെങ്കിലും മസ്സാജ് ചെയ്യുന്നത്. നന്നായി എണ്ണ പുരട്ടി 10-15 മിനിറ്റ് വരെ മസ്സാജ് ചെയ്യുന്നത് മികച്ച ഫലമാണ് ലഭിക്കുക.
https://www.facebook.com/Malayalivartha