കൺതടത്തിൽ കറുപ്പ് വരുന്നത് സ്ത്രകളെ സംബന്ധിച്ച് ഏറെ അലട്ടുന്ന പ്രശ്‌നമാണ്. നിരവധി കാരണങ്ങൾ കൊണ്ട് ഇത്തരത്തിൽ കണ്ണിനു ചുറ്റും നിറവ്യത്യസം വരാം. ഏറ്റവും പ്രധാനമായി പറയുന്നത് ഉറക്കക്കുറവ്, പോഷകക്കുറവ്, സ്ട്രെസ് എന്നിവയൊക്കെയാണ്. ഇതിനു പുറമേ കമ്പ്യൂട്ടർ, ടിവി സ്ക്രീനിൽ നിന്നുള്ള നീല രശ്മികളോ അമിതമായി ഏൽക്കുന്നതും, സൂര്യകിരണങ്ങളോ , പ്രായമാകുന്നതിന് അനുസരിച്ച് ശരീരത്തിൽ സംഭവിക്കുന്ന ജനിതകമാറ്റങ്ങളും ഇതിന് കാരണമാവാറുണ്ട്. നിങ്ങളുടെ ദൈനംദിന ഉപഭോഗത്തിൽ കുറഞ്ഞത് 10-12 ഗ്ലാസ് വെള്ളം കുടിക്കുക എന്നത് നല്ല കാര്യമാണ്.

ഇനി കൺത്തടത്തിലെ കറുപ്പുനിറം മാറാൻ ചില മാർഗങ്ങൾ അറിയാം. വെള്ളരിക്ക ഏറെ ഗുണമുള്ളതും, ആരോഗ്യം നൽകുന്നതമാണ്. വെള്ളരിക്കയിൽ ആസ്ട്രിജെന്റ് ഗുണങ്ങൾ നിരവധിയാണ്. ആദ്യം വെള്ളരിക്ക കഷ്ണങ്ങളായി മുറിച്ച് ഫ്രിഡ്ജിൽ സൂക്ഷിക്കുക. തുടർന്ന് ഇവ 10 മിനിറ്റ് കണ്ണുകൾക്ക് മുകളിൽ വയ്ക്കുക. കൂടാതെ വെള്ളരിക്ക ജ്യൂസ് കണ്ണിന് ചുറ്റും പുരട്ടി മസാജ് ചെയ്യുന്നതും നല്ലതാണ്.

അടുത്തത് മുഖത്തിന് നിറം വർധിക്കാൻ ഇപ്പോഴും ഉപയോഗിക്കുന്ന തക്കാളിയാണ്. തക്കാളിനീരു കൺപോളകൾക്ക് മുകളിൽ പുരട്ടിയ ശേഷം കഴുകി കളയുന്നതും കൺതടത്തിലെ കറുപ്പു നിറമകറ്റും. തക്കാളി ചർമ്മത്തെ മൃദുവാക്കാൻ സഹായിക്കുന്നു. അടുത്തത് നന്നായി തണുത്ത കട്ടൻ ചായയിൽ പഞ്ഞിയിൽ മുക്കി കണ്ണിനു മുകളിൽ വയ്ക്കുക. തുടർന്ന് 10 മിനിറ്റിനു ശേഷം തണുത്ത വെള്ളം കൊണ്ട് കഴുകുക. കറുപ്പു നിറം മാറി കണ്ണിനു തിളക്കമേറാൻ ഇത് സഹായകമാണ്.

മട്ടൺ സൗന്ദര്യത്തിന് ഏറെ ഗുണമുള്ള റോസ് വാട്ടർ ആണ്. കോട്ടൺ തുണിയോ പഞ്ഞിയോ നല്ല കട്ടിയിൽ മുറിച്ചെടുക്കുകയും തുടർന്ന് റോസ് വാട്ടറിൽ മുക്കി അടഞ്ഞ കണ്ണിനു മുകളിൽ വച്ചു കിടക്കുകയും ചെയ്യുക. കണ്ണിനു താഴെയുള്ള പാടുകൾ മാറും എന്നു മാത്രമല്ല നല്ല ഉന്മേഷവും ലഭിക്കുന്നതാണ്.

മറ്റൊരു പരിഹാരമാണ് ഉരുളകിഴങ്ങ്. കഴിക്കാൻ മാത്രമല്ല സൗന്ദര്യത്തിനും ഇത് നല്ലതാണ്. ആസ്ട്രിജെന്റ് ഗുണങ്ങളുള്ള എൻസൈമുകൾ ഉരുളക്കിഴങ്ങിൽ അടങ്ങിയിട്ടുള്ളതിനാൽ ഇത് കൺത്തടങ്ങളുടെ വീക്കം കുറയ്ക്കുന്നതിന് സഹായിക്കുന്നു. ഉരുളക്കിഴങ്ങ് കഷ്ണങ്ങളാക്കി മുറിച്ച് ഫ്രിഡ്ജിൽ സൂക്ഷിക്കുകയും, പിന്നീട് ഇത് ദിവസവും 10 മിനിറ്റ് കൺപോളകൾക്ക് മുകളിൽ പുരട്ടി ശേഷം തണുത്ത വെള്ളത്തിൽ കഴുകി കളയുകയും ചെയ്യുക.