സൗന്ദര്യം സംരക്ഷിക്കുന്നവർ കൂടുതലായും ശ്രദ്ധിക്കുന്ന ഒന്നാണ് മുടി. മുടി കൊഴിയുന്നത് മുതൽ എന്തെങ്കിലും പ്രശ്നങ്ങൾ സംഭവിച്ചാൽ വലിയ നിരാശയാണ് എല്ലാവർക്കും. എണ്ണതേക്കുന്നവരും തുടർന്ന്  ഷാമ്പൂ ഇട്ട് മുടി കഴുകുന്നവരാണ് നമ്മളില്‍ പലരും. ഇത്തരത്തിൽ മുടിയില്‍ ഷാമ്പൂ ഇടുമ്പോള്‍ ചില കാര്യങ്ങള്‍ നമ്മള്‍ ശ്രദ്ധിക്കണം. പലപ്പോഴും ഇത്തരം കാര്യങ്ങളില്‍ അശ്രദ്ധയുണ്ടാവുമ്പോഴാണ് മുടിക്ക് പ്രശ്‌നമുണ്ടാവുന്നത്. അത്തരം കാര്യങ്ങൾ അറിയാം.

ആദ്യം ഷാമ്പൂ മുടിയില്‍ ഉപയോഗിക്കുന്നതിനു മുന്‍പ് മുടി നല്ലതു പോലെ ചീകി ഒതുക്കിയിരിക്കണം. കാരണം മുടിയിലെ കെട്ടെല്ലാം എടുത്ത് കളഞ്ഞതിനു ശേഷമാണ് ഇത് ചെയ്യേണ്ടത്. കാരണം ഇത് ഷാമ്പൂ ഇട്ട് മുടി കെട്ടു പിണയാതിരിക്കാന്‍ സഹായിക്കുന്നതാണ്. ഇതുകൂടാതെ മുടി ഒന്ന് കഴുകിയ ശേഷം മാത്രമേ ഷാമ്പൂ ഇടാവു. അല്‍പം ഷാമ്പൂ കൈയ്യിലെടുത്ത് മുടിയുടെ നീളം എത്രത്തോളം ഉണ്ടോ അത്രത്തോളം മസ്സാജ് ചെയ്യേണ്ടതും അനിവാര്യമാണ്.

മുടി കഴുകാന്‍ ശ്രദ്ധിക്കേണ്ടത് തണുത്ത വെള്ളത്തിലായിരിക്കണം. പിന്നീട് കണ്ടീഷണര്‍ മുടിയില്‍ തേച്ച്  അഞ്ച് മിനിട്ടെങ്കിലും മസ്സാജ് ചെയ്യണം. കാരണം മുടിയുടെ ആരോഗ്യം സംരക്ഷിക്കാനുള്ള ഒന്നാണ് കണ്ടീഷണര്‍. ഇതിലൂടെ മുടിയിലെ ക്യൂട്ടിക്കിള്‍സ് ബലമുള്ളതാക്കാനും മുടി കൊഴിച്ചിലില്‍ നിന്നും സംരക്ഷിക്കാനുമാകുന്നു.

ഇത്തരത്തിൽ ചെയ്യുന്നതിലൂടെ ഒരാഴ്ച കൊണ്ട് തന്നെ മുടിയുടെ ആരോഗ്യം വീണ്ടെടുക്കാന്‍ സഹായിക്കുന്നു. അതേസമയം ഹെയര്‍ഡ്രൈയര്‍ ഉപയോഗിച്ച് ഒരിക്കലും മുടി ഉണക്കാന്‍ ശ്രമിക്കരുത്. സ്വാഭാവിക രീതിയില്‍ തന്നെ മുടി ഉണക്കാന്‍ ശ്രമിച്ചില്ലെങ്കിൽ മുടിക്ക് തിളക്കം നഷ്ടപ്പെടാനും മുടിയുടെ ആരോഗ്യം നശിക്കാനും കാരണമാകുന്നു. മറ്റൊരു കാര്യം ചിലര്‍ എണ്ണ ഉപയോഗിച്ച് കഴിഞ്ഞ് ഉടന്‍ തന്നെ ഷാമ്പൂ ഇടുന്ന ഒരു പണിയുണ്ട്. ഇങ്ങനെ ചെയ്യുമ്പോൾ മുടിക്കും തലക്കും വളരെ ദോഷകരമാണ് എന്നതാണ് സത്യം. എണ്ണ പുരട്ടി മിനിമം അരമണിക്കൂറെങ്കിലും കഴിഞ്ഞതിനു ശേഷം മാത്രമേ ഷാമ്പൂ ഇടാന്‍ പാടുകയുള്ളൂ.