ടൈപ്പ് 2 പ്രമേഹമുള്ളവരിൽ, സ്ത്രീകൾക്കും ചെറുപ്പക്കാർക്കും പുകവലിക്കാർക്കും നേരത്തെയുള്ള മരണ സാധ്യത കൂടുതലാണെന്ന് ഗവേഷകർ കണ്ടെത്തി. പുരുഷന്മാർക്ക് മരണ സാധ്യത 74 ശതമാനമാണെങ്കിൽ, സ്ത്രീകൾക്ക് 96 ശതമാനം ആണ്. ടൈപ്പ് ഡയബറ്റിസ് ഉള്ള ഒരു സ്ത്രീക്ക് സാധാരണ ജനസംഖ്യയിലെ ശരാശരി സ്ത്രീയേക്കാൾ അഞ്ച് വർഷം കുറവ് ജീവിക്കാം, അതേസമയം ചെറുപ്പത്തിൽ രോഗനിർണയം നടത്തിയ ഒരാൾക്ക് എട്ട് വർഷത്തെ ആയുസ്സ് നഷ്ടപ്പെടാം എന്ന് സാൽഫോർഡ് റോയൽ ഹോസ്പിറ്റലിൽ നിന്നുള്ള ഡോക്ടർ അഡ്രിയാൻ ഹീൽഡ് വിശദീകരിച്ചു,

പ്രമേഹം ശരീരത്തിനും ആരോഗ്യത്തിനും ഹാനികരമാണ്, കാരണം ഇത് മറ്റ് പല ആരോഗ്യപ്രശ്‌നങ്ങളിലേക്കും നയിച്ചേക്കാം. നിയന്ത്രിത രക്തത്തിലെ പഞ്ചസാര കുറവുള്ള പ്രമേഹം എത്രത്തോളം നീണ്ടുനിൽക്കുന്നുവോ അത്രയും സങ്കീർണതകൾക്കുള്ള സാധ്യത കൂടുതലാണ്.

അതിലൊന്നാണ് ഹൃദയ സംബന്ധമായ അസുഖമാണ്. പ്രമേഹം നെഞ്ച് വേദന, ഹൃദയാഘാതം,ധമനികളുടെ സങ്കോചം എന്നിവയ്ക്കുള്ള സാധ്യത വർദ്ധിപ്പിക്കും. അമിതമായ പഞ്ചസാര ഞരമ്പുകളെ പോഷിപ്പിക്കുന്ന രക്തക്കുഴലുകളുടെ മതിലുകൾക്കും പരിക്കേൽപ്പിക്കും. ഇത് ഞരമ്പുകൾക്ക് നാശമുണ്ടാക്കാം, പ്രത്യേകിച്ച് കാലുകളിൽ മരവിപ്പ്, പൊള്ളൽ അല്ലെങ്കിൽ വേദന തുടങ്ങിയ ലക്ഷണങ്ങൾ കാണാൻ സാധിക്കും.

പ്രമേഹമുള്ളവര്‍ക്ക് ദഹനപ്രശ്നങ്ങൾ, വൃക്കനാശം, കണ്ണുകള്‍ക്കും ചര്‍മത്തിനും വായ്ക്കും പ്രശ്നങ്ങൾ തുടങ്ങിയവ ഉണ്ടാകാമെന്നും ഗവേഷകര്‍ ചൂണ്ടിക്കാട്ടുന്നു. ആരോഗ്യകരമായ ജീവിതശൈലി വഴി പ്രമേഹസാധ്യത കുറയ്ക്കാനും ഇതുമായി ബന്ധപ്പെട്ട രോഗസങ്കീര്‍ണതകള്‍ ഇല്ലാതാക്കാനും സാധിക്കും. ഹാര്‍വഡ് സ്കൂള്‍ ഓഫ് പബ്ലിക് ഹെല്‍ത്തിന്‍റെ പഠനങ്ങള്‍ അനുസരിച്ച് അമിതവണ്ണമാണ് ടൈപ്പ് 2 പ്രമേഹത്തിന്‍റെ പ്രധാന കാരണങ്ങളില്‍ ഒന്ന്. അമിതഭാരം ടൈപ്പ് 2 പ്രമേഹത്തിന്‍റെ സാധ്യത ഏഴ് മടങ്ങ് വര്‍ധിപ്പിക്കുന്നതായി ആരോഗ്യ വിദഗ്ധര്‍ പറയുന്നു.

ഹാർവാർഡ് സ്കൂൾ ഓഫ് പബ്ലിക് ഹെൽത്തിന്റെ അഭിപ്രായത്തിൽ, ടൈപ്പ് 2 പ്രമേഹത്തിന്റെ ഏറ്റവും പ്രധാനപ്പെട്ട കാരണം അമിതഭാരമാണ്. അമിതഭാരം ടൈപ്പ് 2 പ്രമേഹം വരാനുള്ള സാധ്യത ഏഴ് മടങ്ങ് വർദ്ധിപ്പിക്കുമെന്ന് അവർ കൂട്ടിച്ചേർക്കുന്നു. അമിതവണ്ണം പ്രമേഹം വരാനുള്ള സാധ്യത 20 മുതൽ 40 മടങ്ങ് വരെ വർദ്ധിപ്പിക്കും.