സംസ്ഥാനത്ത് തദ്ദേശ സ്വയംഭരണ സ്ഥാപനങ്ങളുടെ സഹായത്തോടെ 1000 ആയുഷ് യോഗ ക്ലബ്ബുകള് ആരംഭിക്കാന് തീരുമാനം
സംസ്ഥാനത്ത് തദ്ദേശ സ്വയംഭരണ സ്ഥാപനങ്ങളുടെ സഹായത്തോടെ 1000 ആയുഷ് യോഗ ക്ലബ്ബുകള് ആരംഭിക്കാനായി തീരുമാനമായി. അന്താരാഷ്ട്ര യോഗദിനമായ ജൂണ് 21നാണ് തദ്ദേശഭരണ സ്ഥാപനങ്ങളില് ആരോഗ്യ വകുപ്പും നാഷണല് ആയുഷ് മിഷനും ചേര്ന്ന് ആയുഷ് യോഗ ക്ലബുകള് ആരംഭിക്കുന്നത്.
തദ്ദേശഭരണ സ്ഥാപനങ്ങള്ക്ക് കീഴിലുള്ള ഒരു വാര്ഡില് ചുരുങ്ങിയത് 20 പേര്ക്ക് ഒരേ സമയം യോഗ പരിശീലനത്തിനുള്ള വേദി ഉറപ്പാക്കുകയും അവിടെ ആയുഷ് യോഗ ക്ലബുകള് ആരംഭിക്കുകയും ചെയ്യും.
ആദ്യഘട്ടത്തില് ആരംഭിക്കുന്ന യോഗ ക്ലാസുകളുടെ തുടര്ച്ചയായി പരമാവധി വാര്ഡുകളില് ആയുഷ് യോഗ ക്ലബുകള് ആരംഭിക്കുന്നതിന് തദ്ദേശഭരണ സ്ഥാപനങ്ങളുടെ സഹായത്തോടെ നടപടികള് സ്വീകരിക്കുമെന്ന് ആരോഗ്യ മന്ത്രി വീണാ ജോര്ജ് .വിവിധ എന്.ജി.ഒകള്, യോഗ അസോസിയേഷനുകള്, സ്പോര്ട്സ് കൗണ്സില് എന്നിവരുടെ സഹകരണം ഉറപ്പാക്കും. തദ്ദേശഭരണ സ്ഥാപനങ്ങളുടെ സഹായത്തോടെ ഗ്രാമ, നഗര വ്യത്യാസങ്ങളില്ലാതെ എല്ലായിടങ്ങളിലും യോഗയുടെ സന്ദേശം എത്തിക്കുക എന്നതാണ് ലക്ഷ്യമിടുന്നത്.
"
https://www.facebook.com/Malayalivartha
