ശരീരഭാരം കുറയ്ക്കാന് ചില പൊടികൈകള്...
ശരീരഭാരം നിയന്ത്രിക്കാന് ആദ്യം വേണ്ടത് ആരോഗ്യകരമായ ഭക്ഷണശീലവും ചിട്ടയായ ജീവിതശൈലിയും കെട്ടിപ്പെടുത്തുക. വണ്ണം കുറയ്ക്കാന് ആഗ്രഹിക്കുന്നവര് ഉച്ചയ്ക്കും രാത്രിയും ചോറ് കഴിക്കുന്നത് പരമാവധി ഒഴിവാക്കുന്നതാണ് നല്ലത്. കലോറിയും കാര്ബോഹൈഡ്രേറ്റും ധാരാളം അടങ്ങിയ ഭക്ഷണങ്ങളില് ഒന്നാണ് ചോറ്. കാര്ബോഹൈഡ്രേറ്റിന്റെ അളവ് കൂടുന്നത് ശരീരത്തില് കൊഴുപ്പടിയാന് കാരണമാകും.
വണ്ണം കുറയ്ക്കാന് ആഗ്രഹിക്കുന്നവര് അത്താഴത്തിനും ഉച്ചയ്ക്കും ചോറിന് പകരം ചപ്പാത്തിയോ ഓട്സോ ശീലമാക്കാം. ചോറിന് പകരം ചപ്പാത്തി കഴിക്കുന്നത് വയര് കുറയ്ക്കാനും ഭാരം കുറയ്ക്കാനും സഹായിക്കും. ഉച്ചയ്ക്കും രാത്രിയും ഒരുപോലെ കഴിക്കാന് പറ്റിയ ഒരു ഭക്ഷണം കൂടിയാണ് ചപ്പാത്തി. ഓട്സ് ആണ് രണ്ടാമതായി ഈ പട്ടികയില് ഉള്പ്പെടുന്നത്.
ഒരു കപ്പ് ഓട്സില് 7.5 ഗ്രാം ഫൈബര് അടങ്ങിയിട്ടുണ്ട്. കൂടാതെ വിറ്റാമിനുകളും മിനറലുകളും ആന്റി ഓക്സിഡന്റുകളും അടങ്ങിയ ഇവയില് പ്രോട്ടീനും ധാരാളം അടങ്ങിയിട്ടുണ്ട്. അതിനാല് ഉച്ചയ്ക്ക് ആണെങ്കിലും രാത്രിയാണെങ്കിലും ഓട്സ് കഴിക്കുന്നത് വണ്ണം കുറയ്ക്കാന് നല്ലതാണ്. വയറ് കുറയ്ക്കാനുള്ള ശ്രമത്തിലാണെങ്കില് ഉപ്പുമാവ് അനുയോജ്യമായൊരു ഭക്ഷണം ആണ്.
ഫൈബറിനാല് സമ്പന്നമായതിനാലും ഫാറ്റ് കുറഞ്ഞതിനാലുമാണ് ഉപ്പുമാവ് ഇത്തരത്തില് പ്രയോജനപ്പെടുന്നത്. അരിയെക്കാള് പ്രോട്ടീനും ഫൈബറും ധാരാളമായി അടങ്ങിയിട്ടുള്ളതാണ് ബാര്ലി. വിറ്റാമിന് ബി, സിങ്ക്, സെലേനിയം, അയേണ്, മഗ്നീഷ്യം തുടങ്ങിയവ ബാര്ലിയില് അടങ്ങിയിട്ടുണ്ട്. അതിനാല് ഇവ അരിയുടെ പകരക്കാരനായി ഡയറ്റില് ഉള്പ്പെടുത്തുന്നത് വണ്ണം കുറയ്ക്കാന് നല്ലതാണ്.
ഫൈബര് ധാരാളം അടങ്ങിയ പഴവര്ഗമാണ് ആപ്പിള്. ആപ്പിള് കഴിക്കുമ്പോള് വിശപ്പ് പെട്ടെന്നു ശമിക്കുകയും കൂടുതല് ഭക്ഷണം കഴിക്കുന്നതു തടയുകയും ചെയ്യും. അതിനാല് ആപ്പിള് കഴിക്കുന്നത് വിശപ്പ് കുറയ്ക്കാനും അതുവഴി വണ്ണം കുറയ്ക്കാനും നല്ലതാണ്. മുട്ടയാണ് അടുത്തതായി ഈ പട്ടികയില് ഉള്പ്പെടുന്നത്. പുഴുങ്ങിയതോ, ഓംലെറ്റോ, ബുള്സൈയോ ആയി മുട്ട കഴിക്കാം. മുട്ട വയറ് കുറയ്ക്കാന് ശ്രമിക്കുന്നവരെ സംബന്ധിച്ച് നല്ല തെരഞ്ഞെടുപ്പാണ്.
പഴങ്ങള് കൊണ്ടുള്ള സാലഡ് ഉച്ചയ്ക്കും രാത്രിയും കഴിക്കുന്നതും നല്ലതാണ്. പ്രത്യേകിച്ച് ആന്റി ഓക്സിഡന്റുകള് അടങ്ങിയ ബെറി പഴങ്ങള് കഴിക്കുന്നത് വണ്ണം കുറയ്ക്കാന് സഹായിക്കും. നട്സ് ആണ് അവസാനമായി ഈ പട്ടികയില് ഉള്പ്പെടുന്നത്. ഫൈബര് ധാരാളം അടങ്ങിയ നട്സ് വണ്ണവും കുടവയറും കുറയ്ക്കാന് സഹായിക്കും. നട്സ് പെട്ടെന്ന് വയര് നിറയ്ക്കാന് സഹായിക്കുകയും ചെയ്യും. അതിനാല് ബദാം, വാള്നട്സ്, പിസ്ത തുടങ്ങിയ നട്സുകള് ഉച്ചയ്ക്കും രാത്രിയും കഴിക്കുന്നത് നല്ലതാണ്.
https://www.facebook.com/Malayalivartha
