ഓരോ ദിവസവും കൗതകമേറുന്ന നിരവധി വിഡിയോകൾ സോർഷ്യൽ മീഡിയയിലൂടെ നാം കാണാറുണ്ട്. ഇത്തരത്തിൽ ഇന്ന് സോഷ്യൽ മീഡിയയിൽ ശ്രദ്ധേയമായ ഒരു വിഷയമാണ് ഫുഡ് വിഡിയോകൾ. പല തരത്തിലുള്ള ഫുഡ് വ്ലോഗുകളും നമ്മൾ കാണാറുണ്ട്. അല്ലെ... അത്രമാത്രം പ്രേക്ഷകരാണ് ഇത്തരത്തിലുള്ള ഫുഡ് വിഡിയോകൾക്ക് ഉള്ളത്.

പല വിഡിയോകൾ കാണുബോഴും നമ്മളിൽ കൗതുകം ഉണർത്താറുണ്ട്. ചില വീഡിയോ കാണുമ്പോഴോ അറപ്പും പേടിയുമാണ് ഉണ്ടാകുന്നത്. വൃത്തിഹീനമായ രീതിൽ തയ്യാറാക്കുന്നവയായിരിക്കും. ഇതുപോലെ വൃത്തിയില്ലാത്ത സാഹചര്യത്തിൽ തയ്യാറാക്കുന്ന പല ആഹാര വസ്തുക്കളുമാണ് നല്ല കളർഫുൾ ആയിട്ടുള്ള കവറുകളിൽ ഇട്ട് നാം വാങ്ങി രുചിയോടെ പാചകം ചെയ്ത് കഴിക്കുന്നത്. ഇതുപോലെ തന്നെ ഇപ്പോൾ ഏറെ ശ്രദ്ധ നേടുന്ന ഒന്നുകൂടിയാണ് സ്ട്രീറ്റ് ഫുഡുകൾ. അവ രുചി വേറെതന്നെയാണ് അല്ലെ....എന്നാൽ ഇതുപോലൊരു വീഡിയോ ഇപ്പോൾ സോഷ്യൽ മീഡിയയിൽ ചർച്ചയായിക്കൊണ്ടിരിക്കുകയാണ്.

സ്ട്രീറ്റ് ഫുഡ് സ്റ്റാളുകളിലേക്ക് വേണ്ടിയുള്ള നൂഡില്‍സ് തയ്യാറാക്കുന്നതാണ് വീഡിയോയില്‍ കാണിച്ചിരിക്കുന്നത്. വൃത്തിഹീനമായ സാഹചര്യത്തിലാണ് ഇവിടെ നൂഡില്‍സ് തയ്യാറാക്കുന്നത്. കൊല്‍ക്കത്തയിലാണ് ഈ ചെറിയ ഫാക്ടറിയുള്ളത്. ഇവിടെ ഇത്തരത്തില്‍ പ്രവര്‍ത്തിക്കുന്ന നിരവധി കേന്ദ്രങ്ങളുണ്ടെന്നാണ് കമന്‍റുകളിലൂടെ പലരും വ്യക്തമാക്കുന്നത്. നൂഡില്‍സിനുള്ള മാവ് കുഴയ്ക്കുന്നതും അത് പരുവപ്പെടുത്തിയെടുത്ത് നൂഡില്‍സാക്കുന്നതും ആവിയില്‍ വേവിക്കുന്നതും ഒടുവില്‍ പാക്ക് ചെയ്യുന്നതുമെല്ലാം വിശദമായിത്തന്നെ വീഡിയോയില്‍ കാണിച്ചിട്ടുണ്ട്. പല ജോലികള്‍ക്കും മെഷീനുകളെ തന്നെയാണ് ആശ്രയിക്കുന്നത്. എന്നാല്‍ അവിടെയും വൃത്തിഹീനമായ പരിസരം തന്നെയാണ് കാണുന്നത്. നൂഡില്‍സ് ആവി കയറ്റിയ ശേഷം വെറും തറയില്‍ കൊണ്ടിടുന്നതെല്ലാം കണ്ടിരിക്കാനേ പ്രയാസമാകുന്നു എന്നാണ് പലരും പറയുന്നത്.

അതേസമയം വൃത്തിഹീനമായ സാഹചര്യത്തില്‍ നൂഡില്‍സ് തയ്യാറാക്കിയെടുക്കുന്നതിനെ ന്യായീകരിച്ചും ധാരാളം പേര്‍ രംഗത്തെത്തിയിട്ടുണ്ട്. ചെറിയ തുകയ്ക്ക് വില്‍ക്കുന്ന ഭക്ഷണസാധനങ്ങളാകുമ്പോള്‍ അതിന് അനുസരിച്ച് സൗകര്യമുള്ളിടത്തേ തയ്യാറാക്കാനാകൂ എന്നും അതൊരു ഭീകര കുറ്റകൃത്യമായിട്ടൊന്നും കണക്കാക്കേണ്ടതില്ല. പാവങ്ങളാണ് അവര്‍ ജീവിച്ചുപോകട്ടെ എന്നും മറ്റുമാണ് ഇവര്‍ കമന്‍റുകളിലൂടെ പറയുന്നത്.

എന്നാൽ വൃത്തിഹീനമായ സാഹചര്യങ്ങളിൽ നൂഡിൽസ് എങ്ങനെ തയ്യാറാക്കുന്നുവെന്ന് കാണിക്കുന്ന ഈ ജനപ്രിയ വീഡിയോ എല്ലാവരെയും ഞെട്ടിച്ചു. എരിവുള്ള ഹക്ക നൂഡിൽസിന്റെ ഓരോ കഷണവും ആസ്വദിച്ചിരിക്കുമ്പോൾ നമ്മളാരും ഇത് സങ്കൽപ്പിക്കില്ല. എന്നാൽ ഇപ്പോൾ ഈ കാഴ്ച നമ്മുടെ മനസ്സിൽ നിന്നും മായുന്നില്ല എന്നതാണ് സത്യം.