ഡിജിറ്റല് ഹെല്ത്ത് യാഥാര്ത്ഥ്യത്തിലേക്ക്: 750 ആരോഗ്യ സ്ഥാപനങ്ങളില് ഇ ഹെല്ത്ത്... 2.61 കോടി ജനങ്ങള് സ്ഥിര യു.എച്ച്.ഐ.ഡി. രജിസ്ട്രേഷന് എടുത്തു
23 APRIL 2025 08:26 AM IST
മലയാളി വാര്ത്ത
സംസ്ഥാനത്ത് ഇ ഹെല്ത്ത് സേവനം നേടുന്നവരുടെ എണ്ണം വളരെ കൂടിയിട്ടുണ്ട്. ഇതുവരെ 2.61 കോടിയിലധികം ജനങ്ങള് ഇ ഹെല്ത്തിലൂടെ സ്ഥിര യു.എച്ച്.ഐ.ഡി. രജിസ്ട്രേഷന് എടുത്തു. താത്ക്കാലിക രജിസ്ട്രേഷനിലൂടെ 8.51 കോടിയിലധികമാണ് ചികിത്സ തേടിയത്. 13.98 ലക്ഷം പേരാണ് ഇ ഹെല്ത്ത് സംവിധാനത്തിലൂടെ അഡ്മിറ്റായി ചികിത്സ തേടിയത്. 3.39 കോടിയിലധികം പ്രീ ചെക്കപ്പ്, 8.16 കോടിയിലധികം ഡയഗ്നോസിസ്, 5.31 കോടിയിലധികം പ്രിസ്ക്രിപ്ഷന്, 1.82 കോടിയിലധികം ലാബ് പരിശോധനകള് എന്നിവയും ഇ ഹെല്ത്തിലൂടെ നടത്തി.
ഇ ഹെല്ത്തിലൂടെ ആശുപത്രിയില് ക്യൂ നില്ക്കാതെ നേരത്തെ തന്നെ ഒപി ടിക്കറ്റ് എടുക്കാന് കഴിയുന്നു. വീണ്ടും ചികിത്സ തേടണമെങ്കില് ആശുപത്രിയില് നിന്നും തന്നെ അഡ്വാന്സ് ടോക്കണ് എടുക്കാനുള്ള സംവിധാനവും സജ്ജമാണ്. ഇ ഹെല്ത്ത് പോര്ട്ടല് (https://ehealth.kerala.gov.in) വഴിയും എം-ഇഹെല്ത്ത് ആപ്പ് (https://play.google.com/store/apps/details?id=in.gov.kerala.ehealth.mhealth) വഴിയും അഡ്വാന്സ് ടോക്കണ് എടുക്കാം. ഇതിലൂടെ കാത്തിരിപ്പ് വളരെ കുറയ്ക്കാനാകും.
എങ്ങനെ യുണിക്ക് ഹെല്ത്ത് ഐഡി സൃഷ്ടിക്കും?
ഇ ഹെല്ത്ത് വഴിയുള്ള സേവനങ്ങള് ലഭിക്കുവാന് ആദ്യമായി തിരിച്ചറിയില് നമ്പര് സൃഷ്ടിക്കണം. അതിനായി https://ehealth.kerala.gov.in എന്ന പോര്ട്ടലില് കയറി രജിസ്റ്റര് ലിങ്ക് ക്ലിക്ക് ചെയ്യണം. അതില് ആധാര് നമ്പര് നല്കുക. തുടര്ന്ന് ആധാര് രജിസ്റ്റര് ചെയ്ത നമ്പരില് ഒടിപി വരും. ഈ ഒടിപി നല്കുമ്പോള് ഓണ്ലൈന് വ്യക്തിഗത ആരോഗ്യ തിരിച്ചറിയല് നമ്പര് ലഭ്യമാകും. ഇത് പോര്ട്ടല് വഴി ഡൌണ്ലോഡ് ചെയ്യാവുന്നതാണ്.
ആദ്യതവണ ലോഗിന് ചെയ്യുമ്പോള് ഇത്തരത്തിലുള്ള 16 അക്ക വ്യക്തിഗത ആരോഗ്യ തിരിച്ചറിയല് നമ്പറും പാസ് വേര്ഡും മൊബൈലില് മെസേജായി ലഭിക്കും. ഈ തിരിച്ചറിയല് നമ്പറും പാസ് വേര്ഡും ഉപയോഗിച്ച് ആശുപത്രികളിലേക്കുള്ള നിശ്ചിത തീയതിയിലും സമയത്തുമുള്ള അപ്പോയിന്റ്മെന്റ് എടുക്കാന് സാധിക്കും.
എങ്ങനെ അപ്പോയിന്റ്മെന്റ് എടുക്കാം?
ഒരു വ്യക്തിക്ക് ലഭിച്ച തിരിച്ചറിയല് നമ്പരും പാസ് വേര്ഡും ഉപയോഗിച്ച് പോര്ട്ടലില് ലോഗിന് ചെയ്ത ശേഷം ന്യൂ അപ്പോയിന്റ്മെന്റ് ക്ലിക്ക് ചെയ്യുക. റഫറല് ആണെങ്കില് ആ വിവരം രേഖപെടുത്തിയ ശേഷം ആശുപത്രി വിവരങ്ങളും ഡിപ്പാര്ട്ട്മെന്റും തെരഞ്ഞെടുക്കുക. തുടര്ന്ന് അപ്പോയിന്റ്മെന്റ് വേണ്ട തീയതി തെരഞ്ഞെടുക്കുമ്പോള് ആ ദിവസത്തില് ലഭ്യമായ ടോക്കണുകള് ദൃശ്യമാകും. രോഗികള് അവര്ക്ക് സൗകര്യപ്രദമായ സമയമനുസരിച്ചുള്ള ടോക്കണ് എടുക്കാവുന്നതാണ്. തുടര്ന്ന് ടോക്കണ് പ്രിന്റും എടുക്കാവുന്നതാണ്. ടോക്കണ് വിവരങ്ങള് എസ്.എം.എസ്. ആയും ലഭിക്കുന്നതാണ്. ഇത് ആശുപത്രിയില് കാണിച്ചാല് മതിയാകും. പോര്ട്ടല് വഴി അവരുടെ ചികിത്സാവിവരങ്ങള്, ലാബ് റിസള്ട്ട്, പ്രിസ്ക്രിപ്ഷന് എന്നിവ ലഭ്യമാവുന്നതാണ്.
സംശയങ്ങള്ക്ക് ദിശ 104, 1056, 0471 2552056, 2551056 എന്നീ നമ്പരുകളില് വിളിക്കാവുന്നതാണ് "
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
