സൈനസൈറ്റിസിന് പരിഹാരം
വിട്ടുമാറാത്ത ജലദോഷം, തുടരെയുള്ള തുമ്മല്‍, നാസാദ്വാരങ്ങളില്‍ നിന്നും നീര്‍വീഴ്ച, നാസാദ്വാരങ്ങള്‍ അടഞ്ഞിരിക്കുക, ഗന്ധമറിയാതെ വരിക, തലവേദന, കണ്ണിനും പുരികത്തിനുമിടയില്‍ വേദന, തല ചരിക്കുമ്‌ബോള്‍ എന്തോ വസ്തു അനങ്ങുന്നത് പോലെ തോന്നുക ഇവയൊക്കെ പീനസത്തിന്റെ (സൈനസൈറ്റിസ്) ലക്ഷണങ്ങളാകാം. ചില ഘട്ടങ്ങളില്‍ ഇത്തരക്കാര്‍ക്ക് ശ്വാസതടസമുണ്ടാവുകയും ഒച്ചയടപ്പ് അനുഭവപ്പെടുകയും ചെയ്യാം. നാസികയുടെ പിന്‍ഭാഗത്തുള്ള അറകളായ സൈനസില്‍ പലകാരണങ്ങളാല്‍ ഉണ്ടാവുന്ന വീക്കമോ അണുബാധയോ കാരണമാണ് സൈനസൈറ്റിസ് ഉണ്ടാവുന്നത്.
ആഹാര ക്രമം തെറ്റുന്നതും ഈ രോഗത്തിനു കാരണമായേക്കാം. കൃത്രിമ ആഹാരസാധനങ്ങള്‍, ആഹാര പദാര്‍ത്ഥങ്ങള്‍ കേടുവരാതിരിക്കാന്‍ ഉപയോഗിക്കുന്ന രാസപദാര്‍ത്ഥങ്ങള്‍, സുഗന്ധദ്രവ്യങ്ങള്‍, ചിലതരം പുഷ്പങ്ങള്‍, പൂമ്പൊടി, വളര്‍ത്തു മൃഗങ്ങളുടെ രോമം, ഹെല്‍മെറ്റ്, തൊപ്പി എന്നിവ രോഗത്തിന്റെ ആരംഭല ക്ഷണങ്ങളായേക്കാം.
സൈനസൈറ്റിസ് ഉള്ളവര്‍ ഭക്ഷണകാര്യത്തില്‍ വളരെയധികം ശ്രദ്ധചെലുത്തേണ്ടതാണ്. പച്ചക്കറികള്‍ ധാരാളമായി ആഹാരത്തില്‍ ഉള്‍പ്പെടുത്തുക, മുട്ട, മാംസം, പാല്‍ എന്നിവ ഉപേക്ഷിക്കുക, പഴങ്ങള്‍ ധാരാളം കഴിക്കുക എന്നിവയെല്ലാം നല്ലതാണ്.
ദിവസേന കുറേനേരം കരയാമ്പ് തൈലം ഇട്ട നീരാവി ശ്വസിക്കുന്നതും ഗുണം ചെയ്യും. കുളി, മുഖം കഴുകല്‍ എന്നിവയെല്ലാം ചൂട് വെള്ളത്തില്‍ മാത്രമായാല്‍ ഇത്തരക്കാര്‍ക്ക് കൂടുതല്‍ ആശ്വാസം ലഭിക്കും. വിറ്റാമിന്‍ എ അടങ്ങിയ കാരറ്റ്, പപ്പായ, മാമ്പഴം, മത്തന്‍, പഴവര്‍ഗങ്ങള്‍ തുടങ്ങിയവ മിതമായി ഭക്ഷിക്കാം. മാനസിക പീഡനം അനുഭവിക്കുന്നവരിലും പീനസം കാണപ്പെടാറുണ്ട്. മനോവികാര വിചാരങ്ങളെ അകാരണമായി അടച്ചിടുമ്പോള്‍ ഉണ്ടാകുന്ന മാനസിക ക്ഷോഭം പീനസമായി രൂപാന്തരം പ്രാപിക്കുന്നു. നസ്യവും ശീരോവസ്തിയും ഇതിനുള്ള ചികിത്സയാണ്
.
ചില ലഘുചികിത്സകള്‍
ദിവസേന കുളി കഴിഞ്ഞാല്‍ തലയില്‍ രാസ്‌നാദിപ്പൊടി പുരട്ടുക. ആടലോടകത്തിന്റെ ഇലവാട്ടിപ്പിഴിഞ്ഞ നീര് സമം ചെറുനാരങ്ങ നീരും തേനും ചേര്‍ത്തു കഴിക്കാം. തലയില്‍ വിയര്‍പ്പ് ഇറങ്ങാതെ ശ്രദ്ധിക്കണം. കൂവളത്തിന്‍ എണ്ണ തലയിലും നെറ്റിയിലും പുരട്ടാം. ഭാഗോത്തരം ഗുളിക ചാലിച്ച് നെറ്റിയില്‍ പുരട്ടാം.
കരിംതുളസിയില പൊടിച്ച് മൂക്കില്‍ വലിക്കാം, കരിംജീരകം ചവയ്ക്കുക. പഥ്യത്തോടെ ചികിത്സിച്ചാല്‍ വേഗം മാറ്റാവുന്നതുമാണ്.
https://www.facebook.com/Malayalivartha
