അരി വേവിക്കുന്നത് ശ്രദ്ധിച്ചില്ലെങ്കില് ഉള്ളിലെത്തുന്നതാകട്ടെ വിഷം
എവിടെപ്പോയാലും ഭക്ഷണത്തിന് അല്പ്പം ചോറു കിട്ടിയാലെ മലയാളികള്ക്ക് സംതൃപ്തിയുള്ളു. ചോറു കഴിക്കുന്നതൊക്കെ നല്ലതുതന്നെ, പക്ഷേ അതു ശരിയായ രീതിയിലല്ലെങ്കില് പണി കിട്ടുമെന്നു പറയുകയാണ് ബെല്ഫാസ്റ്റ് ക്വീന്സ് സര്വകലാശാലയിലെ ബയോളജിക്കല് ഡിപ്പാര്ട്ടുമെന്റിന്റെ പഠനം.
നമ്മള് ചോറു വയ്ക്കുന്ന രീതിയില് ശാസ്ത്രീയമായ തെറ്റുകളുണ്ടത്രേ. വെള്ളംവച്ചു തിളച്ചശേഷം അരി ഇടുകയാണ് സാധാരണയായി എല്ലാവരും ചെയ്യാറ്. എന്നാല് ഇങ്ങനെ ചെയ്യുന്നത് അരിയില് അടങ്ങിയിട്ടുള്ള രാസവസ്തുക്കള് നേരിട്ടു ശരീരത്തിലെത്തുന്നതിനു കാരണമാകുമെന്നാണ് ഗവേഷകര് പറയുന്നത്.
മണ്ണിലുള്ള കീടനാശിനികളിലും വളങ്ങളിലും അടങ്ങിയിരിക്കുന്ന ആര്സനിക് ഉള്പ്പടെയുള്ള വിഷകരമായ രാസവസ്തുക്കള് അരിയിലെത്തുന്നുണ്ട്. ഈ പാചകരീതിയിലൂടെ വിഷവസ്തുക്കള് ചോറില്തന്നെ തങ്ങി നില്ക്കുകയും ഗുരുതരമായ ആരോഗ്യപ്രശ്നങ്ങളിലേക്കു നയിക്കുകയും ചെയ്യും.
വെള്ളം തിളപ്പിച്ച് അതിലേക്ക് അരി ഇടുന്നതിനു പകരം തലേദിവസം രാത്രി വെള്ളത്തില് അരി ഇട്ടുവച്ചശേഷം വേവിക്കുകയാണ് ചെയ്യേണ്ടതെന്നാണ് ഗവേഷകരുടെ വാദം. ഇങ്ങനെ ചെയ്യുന്നതുവഴി രാസവസ്തുക്കളുടെ സാന്നിധ്യം 80 ശതമാനം കുറയുമത്രേ.
https://www.facebook.com/Malayalivartha