ഉറക്കമൊഴിച്ച് വാഹനമോടിക്കുമ്പോള്‍
14 SEPTEMBER 2018 10:23 AM IST
മലയാളി വാര്‍ത്ത
എത്ര മികച്ച ഡ്രൈവര്‍ ആണെങ്കിലും ഉറക്കത്തെ ഒരു പരിധിക്കപ്പുറം പിടിച്ചുനിര്‍ത്താന്‍ തലച്ചോറിന് സാധിക്കില്ല എന്നതാണ് സത്യം. വിശ്രമം വേണ്ടപ്പോള്‍ ശരീരത്തിന് വിശ്രമം നല്കിയേ തീരൂ. സംസാരിക്കാന്‍ ആളുണ്ടായതു കൊണ്ടോ കാറിന്റെ ഗ്ലാസ് താഴ്ത്തിയിട്ടതു കൊണ്ടോ ഉറക്കം പോകില്ല. അര്‍ധരാത്രി മുതല്‍ പുലര്‍ച്ചെ അഞ്ചു വരെ ശരീരം സ്വാഭാവികമായി ഉറങ്ങാനുള്ള പ്രവണത കാണിക്കും. അതിനാല്‍ തീരെ ഒഴിവാക്കാനാവാത്ത സാഹചര്യത്തില്‍ മാത്രമേ ഈസമയത്തെ യാത്ര തിരഞ്ഞെടുക്കാവൂ.
വാഹനമോടിക്കുന്ന സമയത്ത് ഉറക്കം വരുമ്പോള്‍ മുന്‍കരുതല്‍ എടുക്കുക എന്നതാണ് പ്രധാനം. ഉറക്കമൊഴിച്ചുള്ള ഡ്രൈവിംഗ് കഴിവതും ഒഴിവാക്കുന്നതാണ് നല്ലത്. കണ്ണുകള്‍ക്ക് ഭാരം അനുഭവപ്പെടുക, തുടര്‍ച്ചയായി കോട്ടുവായിടുക, കൈകള്‍ക്കും ശരീരത്തിനും തളര്‍ച്ച അനുഭവപ്പെടുക തുടങ്ങിയവയാണ്ഉറക്കത്തിലേക്ക് വഴുതിവീഴുന്നതിനു മുമ്പ് നമ്മുടെ തലച്ചോര്‍ നല്കുന്ന മുന്നറിയിപ്പുകള്‍. ഇതൊക്കെ അനുഭവപ്പെട്ടാല്‍ ഉടന്‍ തന്നെ മുന്‍കരുതലെടുക്കുക.
സാധിക്കുമെങ്കില്‍ കുറച്ചുനേരം വാഹനം നിര്‍ത്തി തലച്ചോറിന് വിശ്രമം നല്‍കണം. ഉറക്കച്ചടവില്‍ ധൃതിയില്‍ പോയി അപകടത്തിലാകുന്നതിലും നല്ലതാണ് പത്തോ ഇരുപതോ മിനിറ്റ് വിശ്രമിച്ച് സാവധാനം യാത്ര തുടരുന്നത്.
ഉറക്കത്തിന്റെ ആലസ്യം അനുഭവപ്പെട്ടു തുടങ്ങിയാല്‍ 20 മുതല്‍ 30 മിനിറ്റ് വരെയെങ്കിലും ലഘുനിദ്ര ചെയ്യണം. അതുകഴിഞ്ഞ് മുഖം നന്നായി കഴുകിയ ശേഷം വീണ്ടും യാത്ര തുടരുക. വാഹനമോടിക്കുമ്പോള്‍ നിയന്ത്രിതമായ വേഗതയില്‍ മാത്രം പോകാന്‍ ശ്രദ്ധിക്കുക. ദീര്‍ഘദൂര യാത്രകള്‍ക്കു മുമ്പായി കുറഞ്ഞത് എട്ടു മണിക്കൂറെങ്കിലും നന്നായി ഉറങ്ങണം.
യാത്രയ്ക്കിടെ കാപ്പി കുടിക്കുന്നത് ഉറക്കത്തെ അല്‍പമെങ്കിലും മാറ്റിനിര്‍ത്തും. കഴിയുമെങ്കില്‍ തനിയെ യാത്ര ചെയ്യുന്ന സാഹചര്യം ഒഴിവാക്കുക. മദ്യപിച്ച് ഡ്രൈവ് ചെയ്യരുത്. രാത്രിയില്‍ ശരീരത്തിലെ ആല്‍ക്കഹോളിന്റെ സാന്നിധ്യം കൂടുതല്‍ അപകടകരമാണ്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
