യോഗ ചെയ്യുന്നതിനു മുന്പ് അറിയാന്
കൃത്യമായ ശ്വാസോച്ഛ്വാസ ക്രമീകരണത്തിലൂടെ പരിശീലിക്കുന്ന വ്യായാമമുറയാണ് യോഗ. യോഗ ശാസ്ത്രീയമായി അഭ്യസിച്ചിട്ടില്ലാത്തവര്ക്കും പ്രായഭേദമന്യേ നിത്യജീവിതത്തില് അഭ്യസിക്കാനാകുന്ന ലളിതമായ ആസനങ്ങളും യോഗയിലുണ്ട്. അതിനാല്ത്തന്നെ യോഗ പഠിപ്പിക്കുന്ന ഡിവിഡിയും പുസ്തകവുമൊക്കെ വിപണിയില് ലഭ്യമാണ്. എന്നാല് ഇത്തരത്തില് യോഗ പഠിക്കുന്നവര് സാധാരണ വരുത്തുന്ന ചില തെറ്റുകള് നോക്കാം. വളരെ ലളിതമായ യോഗമുറകള് വേണം ആദ്യം ചെയ്യേണ്ടത്.
യോഗയും വസ്ത്രവും
ആസനങ്ങള് ചെയ്യുമ്പോള് ശ്വാസോച്ഛാസം ശരിയായ രീതിയില് ചെയ്യുന്നതിനും ശരീരം വഴങ്ങിക്കിട്ടാനും വസ്ത്രധാരണം ശരീരത്തിന് യോഗിച്ചതാവണം. അയഞ്ഞതോ അമിതമായി ഇറുകിയതോ ആവാതിരിക്കാന് ശ്രദ്ധിക്കുക.
നിന്നിലേക്ക് മടങ്ങുക
ഓരോത്തരുടെയും ശരീരപ്രകൃതിക്ക് അനുയോജിച്ച യോഗയാവും ഓരോത്തര്ക്കും ചേരുക. പഠിച്ചെടുക്കുന്ന രീതിക്കും പ്രയോഗത്തിനും വ്യത്യാസം കാണും. ആരെയും കുറ്റപ്പെടുത്താനോ ഏതെങ്കിലും ആസനം ചെയ്യാനാവുന്നില്ലെന്ന് കരുതി സ്വയം വിമര്ശിക്കേണ്ടതോ ഇല്ല.
ആദ്യം തന്നെ മയൂരാസനം
രണ്ട് കൈപ്പത്തികളും തറയിലമര്ത്തി, നാഭിയുടെ ഇരുവശങ്ങളിലും കൈമുട്ടുകള് കൊണ്ട് ബലം നല്കി ശരീരത്തെ ഉയര്ത്തുന്ന യോഗാസന അവസ്ഥയാണ് മയൂരാസനം. ആദ്യ ദിവസംതന്നെ ഇത്തരത്തിലുള്ളത് പരീക്ഷിച്ചാല് മൂക്കുംകുത്തി വീഴുകയാകും ഫലം. തുടക്കത്തില്ത്തന്നെ ഇത്തരം വിഷമമേറിയ ആസനങ്ങളിലേക്ക് പോകാതെ ലളിതമായവ തുടങ്ങുക.
ശവാസനത്തില് ഉറക്കം
ചില ആസനങ്ങളില് ധ്യാനാവസ്ഥയിലെത്തുന്നവരുണ്ട്. പക്ഷേ കൂര്ക്കം വലിച്ച് ഉറക്കമാകരുത്. ഭക്ഷണം വാരിവലിച്ച് കഴിച്ച് നിറഞ്ഞ വയറുമായിപ്പോയാല് ആദ്യമേതന്നെ ശവാസനത്തിലേക്ക് കിടക്കുന്നതാകും ഉചിതം.
https://www.facebook.com/Malayalivartha
