കുര്ത്തിയിലെ താരം
ഹൈലോ കുര്ത്തിയാണ് ഇപ്പോള് കുര്ത്തിയിലെ താരം. സംഭവം സാധാരണ കുര്ത്തി തന്നെ. പക്ഷേ, താഴെയുള്ള അറ്റങ്ങള് ഒരേ നീളത്തിലാവില്ല. കുര്ത്തിയുടെ താഴേക്ക് വരുന്ന ഭാഗം, പിന്വശത്ത് താഴ്ന്നും മുന്വശത്ത് സ്വല്പ്പം ഉയര്ന്നുമിരിക്കും. ഫാഷനില് ഈ സ്റ്റൈല് അസിമെട്രിക്കല് എന്ന് അറിയപ്പെടുന്നു. ഹൈലോ കുര്ത്തികള് ഏത് അവസരത്തിനും അനുയോജ്യമാണ്. ഓഫീസിലേക്കും കോളേജിലേക്കും കല്യാണംപോലുള്ള ഫങ്ഷനുകള്ക്കുമെല്ലാം ധരിക്കാം. ഹൈലോ കുര്ത്തിക്ക് കുറച്ചുകൂടി സ്റ്റൈല് വേണമെന്നാണെങ്കില് ഇതിനുമീതെ ജാക്കറ്റ് ധരിക്കുക. ഇത്തരം കുര്ത്തി ഷര്ട്ട് സ്റ്റൈല് സൂപ്പര് ഫാഷന് ലുക്ക് സമ്മാനിക്കും.
ലെഗ്ഗിന്സ്, ട്രൈബല് ജീന്സ്, ലേഡീസ് പാന്റ്സ് എന്നിവ കുര്ത്തികളുടെ കൂടെ മാച്ചാവും. ഹൈനെക്കും കോളറും ഉള്ള കുര്ത്തികള് നല്ല ഭംഗിയാണ്. കുര്ത്തി തയ്പിക്കുകയാണെങ്കില് ഇത്തരം നെക്കുകള് നിര്ദേശിക്കാം. പുതുമയുള്ള പ്രിന്റുകള് ഇപ്പോള് യഥേഷ്ടമുണ്ട്. സാധാരണ കാണാത്ത പ്രിന്റുകള് ഉള്ള തുണികള് വാങ്ങി കുര്ത്തി തയ്ക്കാം. ജ്യോമെട്രിക്കല് ചിത്രങ്ങളും ബുദ്ധ ഡിസൈനുകളും പുതിയ ട്രെന്ഡി പ്രിന്റുകളാണ്. കുര്ത്തികളുടെ കൂടെ പലാസോ പാന്റുകള് അണിയുന്നതും ഭംഗിയായിരിക്കും. പ്രിന്റഡ് പലാസോ ആണെങ്കില് കുര്ത്തി പ്ളെയിനാവണം. കുര്ത്തി പ്രിന്റുള്ളതാണെങ്കില് പ്ളെയിന് പലാസോ ആവും നല്ലത്.
https://www.facebook.com/Malayalivartha