സ്വാദിഷ്ടമായ സ്‌പെഷ്യല്‍ ബിരിയാണി തയ്യാറാക്കാം
ആവശ്യമായ ഇനങ്ങള്‍ :
ബസുമതി അരി: രണ്ട് കപ്പ്
ഗ്രാബു ചതച്ചത്: നാല് എണ്ണം
നെയ്യ്: രണ്ട് വലിയ സ്പൂണ്‍
നാരങ്ങ: ഒന്ന്
ഉപ്പ് ആവശ്യത്തിന്
ചിക്കന്: 1 1/2 കിലോ
ഏലക്ക ചതച്ചത്: നാലെണ്ണം
കറുവാപട്ട: ഒരു കഷ്ണം
വഴണയില: ഒന്ന്
ജാതിപത്രി: രണ്ട് എണ്ണം
പ്രൂണ്‍സ് കറുത്തത്: പത്ത് എണ്ണം
കറുത്ത ജീരകം: ഒരു ടീ.സ്പൂണ്‍
സവാള: രണ്ട് എണ്ണം
ഇഞ്ചി അരച്ചത്: ഒരു ടേ.സ്പൂണ്‍
വെളുത്തുള്ളി അരച്ചത്: ഒരു ടേ. സ്പൂണ്‍
മുളകുപൊടി: ഒരു ടേ .സ്പൂണ്‍
മല്ലിപ്പൊടി: ഒന്നര ടേ. സ്പൂണ്‍
ഉണക്കമുളക് പൊടിച്ചത്: ഒരു ടേ .സ്പൂണ്‍
ഗരം മസാല: ഒരു ടീ.സ്പൂണ്‍
കുരുമുളക് പൊടി: ഒരു ടീ.സ്പൂണ്‍
ജീരകം: ടീ. സ്പൂണ്‍
തൈര്: അരക്കപ്പ്
ബിരിയാണിക്ക് നിറം നല്‍കുന്നതിനായി ചില വസ്തുക്കള്‍ ചേര്‍ക്കാം:
കേവട / റോസ് വാട്ടര്‍: രണ്ട് ടേ. സ്പൂണ്‍
മഞ്ഞ, ചുവപ്പ്, ഓറഞ്ച് എന്നീ കളറുകള്‍ എല്ലാം ആവശ്യത്തിനു മാത്രം
ഉണ്ടാക്കുന്ന വിധം നോക്കാം:
തിളക്കുന്ന വെള്ളത്തിലേക്ക് ആദ്യം ഉപ്പും ഗ്രാമ്പുവും ചേര്‍ക്കുക.അതിനു ശേഷം അതിലേക്ക് അരി കഴുകി ഇടുക. തുടര്‍ന്ന് നാരങ്ങ പിഴിഞ്ഞ് ഒഴിക്കുക, കൂടെ നെയ്യും ചേര്‍ക്കുക. അരി മുക്കാല്‍ വേവാകുമ്പോള്‍ ഊറ്റിയെടുത്ത് ഒരു പാത്രത്തിലേക്ക് മാറ്റി വെക്കുക. ഇഞ്ചി, വെളുത്തുള്ളി എന്നിവ കാല്‍ക്കപ്പ് വെള്ളംചേര്‍ത്ത് അരച്ച് വെക്കുക. സവാള നീളത്തില്‍ നേര്‍ത്ത രീതിയില്‍ അരിഞ്ഞ് ഇളം ബ്രൌണ്‍ നിറത്തില്‍ വറുത്തു കോരിയെടുക്കുക. മുഴുവനും കോരിമാറ്റാതെ ഒരു വലിയ സ്പൂണ്‍ അളവ് കോരാതെ അതില്‍തന്നെ ഇടണം. അതിലേക്ക് മുറിച്ചു വച്ചിരിക്കുന്ന ചിക്കന് കഷണങ്ങള്‍ ഇട്ട്, ഒരു മീഡിയം ചൂടില്‍ ഇളക്കിച്ചേര്‍ക്കുക. ചിക്കന്റെ നിറം ഒന്നു മാറിത്തുടങ്ങുബോള്‍ ഇഞ്ചി വെളുത്തുള്ളി എന്നിവ അരച്ചുവച്ചതും ചേര്‍ത്ത് വീണ്ടും ഇളക്കുക.
അഞ്ചു മിനിട്ടുകള്‍ക്കു ശേഷം എടുത്തുവച്ചിരിക്കുന്ന ചിക്കന്റെ മസാലയിലേക്ക്, ഏലക്ക, വഴണയില, കറുവാപട്ട, ജാതിപത്രി, പ്രൂണ്‍സ് കറുത്തത്, കറുത്ത ജീരകം എന്നിവ ചേര്‍ത്തിളക്കുക. അടുത്തതായി ചിക്കന് മസാല ഉള്‍പ്പെടെയുള്ള പൊടികളെല്ലാം ചേര്‍ത്തിളക്കുക. ഈ മസാലകളും കൂടെ ചേര്‍ത്തിളക്കി വഴറ്റിക്കൊണ്ടിരിക്കുമ്പോള്‍ ചിക്കന് ഒരു ഇളം ബ്രൌണ്‍ നിറം ആയിത്തുടങ്ങും. എടുത്തുവച്ചിരിക്കുന്ന തൈരും, ബാക്കി വറുത്ത് മാറ്റിവച്ചിരിക്കുന്ന സവാളയും ഒരുമിച്ചരച്ച് ആ ചിക്കനിലേക്ക് ചേര്‍ത്തിളക്കുക. ഏറ്റവും ചെറുതീയില്‍ വെള്ളം തീരെയില്ലാതെയാകുന്നതുവരെ അത് വഴറ്റുക.
അതിനു ശേഷം അടികട്ടിയുള്ള വലിയ തുറന്ന ഒരു പാത്രത്തിലേക്ക് അര സ്പൂണ്‍ ജീരകം നിരത്തുക. അതിനുമുകളിലായി ബസുമതി ചോറിന്റെ പകുതി നിരത്തുക. ഇതിനു മുകളിലായി ഒന്നു രണ്ടു സ്പൂണ്‍ നെയ്യൊഴിക്കുക അതിനു മുകളിലേക്ക് തയ്യാറക്കി വച്ചിരിക്കുന്ന ചിക്കന് നിരത്തിയിടുക. ഇതിനു മുകളില്‍ ബാക്കിയുള്ള ചോറും നിരത്തിയിടുക. അതിനുമുകളിലേക്ക് കേവട വാട്ടര്‍ അല്ലെങ്കില്‍ റോസ് വാട്ടര്‍ തളിക്കുക്. കൂടെ മൂന്ന് നിറങ്ങളുടെ തുള്ളികള്‍ തളിച്ച് പാത്രം ഇറുക്കിഅടച്ച് ഒന്നുകൂടി ചെറിയ തീയില്‍ വേവിക്കുക. അരി പാത്രത്തിന്റെ അടിഭാഗത്ത് പിടിക്കാതിരിക്കാനായി ഒരു എളുപ്പവഴിയുമുണ്ട്. എന്തെന്നാല്‍ ഒരു ചപ്പാത്തിക്കല്ലില്‍ ഈ പാത്രം എടുത്തുവച്ച് 15 മിനിറ്റ് വേവിക്കുക. അല്ലെങ്കില്‍ ഒരു ഓവനിലും 15 മിനിട്ട് കുറഞ്ഞതീയില്‍ ബെയ്ക്ക് ചെയ്യാവുന്നതുമാണ്.
https://www.facebook.com/Malayalivartha
