വീടിന് സമ്പല്‍സമൃദ്ധിയുണ്ടാകാന്‍ ചില വഴികള്‍
വീട്ടില്‍ പണവും സമ്പല്‍സമൃദ്ധിയും ഉണ്ടാകാന്‍ ആഗ്രഹിക്കാത്തവര്‍ ആരുമില്ല. ഇതിനായി പുജകളേയും വിശ്വാസങ്ങളേയും മുറുകേ പിടിക്കുന്നവരാണ് പലരും. വീട്ടിലേയ്ക്കു പണവും ഐശ്വര്യവും വരാന്‍ ഫെഗ്ഷുയി നിര്‍ദേശിയ്ക്കുന്ന ചില വഴികളുണ്ട്. ചിലതു ചെയ്യണം, ചിലതരുത്. ഇവയെക്കുറിച്ചു കൂടുതലറിയൂ, ടോയ്‌ലറ്റിനു മുന്‍പിലായി അടുക്കളയരുത്. അടുക്കളയിലെ തീ ടോയ്‌ലറ്റിലെ വെള്ളത്തില്‍ ഒഴുകിപ്പോകുമെന്നാണ് വിശ്വാസം. അതായത് ഐശ്വര്യം ഒഴുകിപ്പോകുമെന്ന്. ഇതുപോലെ മുന്‍വാതിലിന് അഭിമുഖമായി ടോയ്‌ലറ്റരുത്. നിങ്ങളില്‍ ചീത്ത ചിന്തകളോ ഓര്‍മകളോ ഉണര്‍ത്തുന്ന പെയിന്റിംഗുകള്‍, ചിത്രങ്ങള്‍ എന്നിവ വീട്ടില്‍ തൂക്കരുത്.
കാര്‍ പ്രേമിയെങ്കില്‍ നല്ലൊരു കാര്‍ ചിത്രം തൂക്കാം. പ്രകൃതിയോടിഷ്ടമെങ്കില്‍ കാടിന്റെയോ സൂര്യാസ്തമയത്തിന്റെയോ ചിത്രം തൂക്കാം. വീട്ടില്‍ സാധനങ്ങള്‍ ഒതുക്കി വയ്ക്കുക. വീട് വൃത്തിയാക്കി വയ്ക്കുക. പൊസറ്റീവ് ഊര്‍ജം ലഭ്യമാകാന്‍ ഇത് പ്രധാനം. വീട്ടില്‍ വളരാതെ നശിച്ച സസ്യങ്ങള്‍ നീക്കം ചെയ്യുക. വളരുന്ന, പുതിയവ വയ്ക്കുക. അടുക്കള വൃത്തിയായി വയ്ക്കുക. പ്രത്യേകിച്ച് ഗ്യാസ്, മൈക്രോവേവ് തുടങ്ങിയവ. അടുക്കളയാണ് ഫെങ്ഷുയി പ്രകാരം ഐശ്വര്യത്തിന്റെയു പണത്തിന്റെയും കേന്ദ്രം. വീട്ടിനുള്ളിലേയ്ക്ക് ആവശ്യത്തിന് ലൈറ്റ് വരുന്ന വിധത്തില്‍ ക്രമീകരിയ്ക്കുക. സൂര്യപ്രകാശവും കാറ്റും വെളിച്ചവുമെല്ലാം വീട്ടില്‍ ഐശ്വര്യം നിറയ്ക്കും. വീട്ടില്‍ എട്ടു ഗോള്‍ഡ് ഫിഷും ഒരു കറുത്ത ഫിഷുമുള്ള അക്വേറിയം പണവും ഐശ്വര്യവും കൊണ്ടുവരും. ഇവ വച്ചാല്‍ പേഴ്‌സില്‍ പണം നിറയും
https://www.facebook.com/Malayalivartha
