ശീട്ടുകളിയിലെ തര്‍ക്കത്തെത്തുടര്‍ന്നുള്ള കൊലപാതകത്തില്‍ പത്ത്‌ ഏഷ്യന്‍ യുവാക്കള്‍ക്ക്‌ അബൂദാബി ക്രിമിനല്‍ കോടതി വധശിക്ഷ വിധിച്ചു. ശീട്ടുകളിക്കിടെ മദ്യലഹരിയിലുണ്ടായ തര്‍ക്കത്തെ തുടര്‍ന്നാണ്‌ കൊലപാതകമുണ്ടായതത്. പ്രതികളെല്ലാം ഒരേരാജ്യക്കാരാണെന്നാണ്‌ വെളിപ്പെടുത്തിയിരിക്കുന്നത്. ഇരുകൂട്ടരായി പിരിഞ്ഞ്‌ അഞ്ചഞ്ച്‌ സംഘമായി കാശ്‌വച്ച്‌ ചീട്ടുകളിക്കുകയായിരുന്നു.തര്‍ക്കത്തെത്തുടര്‍ന്ന്‌ അടിപിടിയായി. ഇതേത്തുടര്‍ന്ന്‌ പ്രതികളുടെ സംഘം ഷാര്‍ജയില്‍ നിന്നും സ്വരാജ്യക്കാരേയും കൂട്ടിക്കൊണ്ടുവന്ന്‌ അക്രമം നടത്തി. ഉറങ്ങിക്കിടന്നയാളെ കുത്തിയും ശ്വാസം മുട്ടിച്ചും കൊല്ലുകയായിരുന്നു. കരുതിക്കൂട്ടിയുള്ള കൊലപാതകമെന്ന്‌ കോടതി കണ്ടെത്തുകയായിരുന്നു.