പ്രവാസികൾക്ക് ഒരു സന്തോഷ വാർത്ത; കുവൈറ്റിലേക്ക് ഇന്ത്യ അടക്കം 5 രാജ്യങ്ങളില് നിന്നുള്ള കോവിഡ് വിമുക്ത സര്ട്ടിഫിക്കറ്റ് നേടിയ യാത്രക്കാര്ക്ക് നേരിട്ട് പ്രവേശനം?
പ്രവാസികൾക്കായി ഒരു സന്തോഷ വാർത്തയാണ് പുറത്ത് വരുന്നത്. കൊറോണ വ്യാപനത്തെ തുടർന്ന് താത്കാലികമായി വിമാനയാത്രയ്ക്ക് വിലക്ക് ഏർപ്പെടുത്തിയ കുവൈറ്റ് അയയുന്നു. കുവൈറ്റിലേക്ക് ഇന്ത്യ അടക്കം 5 രാജ്യങ്ങളില് നിന്നുള്ള കോവിഡ് വിമുക്ത സര്ട്ടിഫിക്കറ്റ് നേടിയ യാത്രക്കാര്ക്ക് നേരിട്ട് പ്രവേശനം അനുവദിക്കാന് നീക്കം നടക്കുന്നതായുള്ള റിപ്പോർട്ടുകളാണ് പുറത്തേക്ക് വരുന്നത്. ഇന്ത്യ, ഫിലിപ്പൈന്സ്, ശ്രീലങ്ക, ബംഗ്ലാദേശ്, നേപ്പാള് എന്നീ രാജ്യങ്ങളില്നിന്നുള്ള യാത്രക്കാരെയാകും ആദ്യം അനുവദിക്കുക എന്നാണ് സൂചന.
അതേസമയം കുവൈറ്റ് അന്താരാഷ്ട്ര വിമാനത്താവളത്തില് പ്രവര്ത്തിക്കുന്ന എല്ലാ എയര്ലൈന്സിനും ഡയറക്ടറേറ്റ് ജനറല് ഓഫ് സിവില് ഏവിയേഷന് ആദ്യ ഘട്ടത്തിന്റെ ഭാഗമായി കൊറോണ വൈറസ് പ്രതിരോധ സംവിധാനത്തിന് അനുസൃതമായി യാത്രക്കാര്ക്ക് താമസിയതെ പ്രവേശനം അനുവദിക്കാനുള്ള നീക്കമാണ് നടന്നുവരുന്നത്. കുവൈറ്റിലെ ആരോഗ്യ അതോറിറ്റികളുടെ നിര്ദ്ദേശങ്ങളുടെ അടിസ്ഥാനത്തില്, മേല്പ്പറഞ്ഞ രാജ്യങ്ങളില് നിന്നുള്ള നേരിട്ടുള്ള യാത്രക്കാരടക്കം കൊറോണ വൈറസ് ഇല്ലെന്ന് തെളിയിക്കാന് സാധുവായ സര്ട്ടിഫിക്കറ്റ് ഇല്ലെങ്കില് പ്രവേശനം അനുവദിക്കില്ലെന്ന് ഡിജിസിഎ അറിയിക്കുകയുണ്ടായി.
https://www.facebook.com/Malayalivartha
