പ്രവാസികൾക്ക് കലക്കൻ ഓഫറുമായി എമിറേറ്റ്സ്; യാത്ര ചെയ്യുന്നവരെ ആകര്ഷിക്കുകയെന്ന ലക്ഷ്യത്തോടെയാണ് കുറഞ്ഞ നിരക്കിൽ ടിക്കെറ്റ്, ഡിസംബര് 19നു മുമ്പ് വാങ്ങുന്ന ടിക്കറ്റുകള്ക്ക് ഓഫർ ബാധകം
കൊറോണ വ്യാപനത്തിന് പിന്നാലെ പുത്തൻ ഓഫാറുകൾ പ്രഖ്യാപിച്ചുകൊണ്ട് സജീവമാകാൻ എമിറേറ്റ്സ് എയർലൈൻസ് എത്തുന്നു. സ്കൂളുകളുടെ ഇടക്കാല അവധി ആരംഭിക്കാനിരിക്കുന്ന സാഹചര്യത്തിൽ ഇന്ത്യ, പാകിസ്താന്, ബ്രിട്ടന് തുടങ്ങിയ രാജ്യങ്ങളേക്ക് യാത്ര ചെയ്യുന്നവര്ക്ക് വിവിധ ഓഫറുകളുമായി എമിറേറ്റ്സ് എയര്ലൈന് രംഗത്ത് എത്തിയിരിക്കുകയാണ്.
അവധിക്കാലമാവുന്നതോടെ രാജ്യത്തിന് പുറത്തേക്ക് യാത്ര ചെയ്യുന്നവരെ ആകര്ഷിക്കുകയെന്ന ലക്ഷ്യത്തോടെയാണ് കുറഞ്ഞ ടിക്കറ്റ് നിരക്ക് ഉള്പ്പെടെയുള്ള ഓഫറുകള് എമിറേറ്റ്സ് എയര്ലൈന്സ് തങ്ങളുടെ വെബ്സൈറ്റ് വഴി പ്രഖ്യാപിച്ചു കഴിഞ്ഞു. ഡിസംബര് 19നു മുമ്പ് വാങ്ങുന്ന ടിക്കറ്റുകള്ക്കായിരിക്കും ഓഫര് ബാധകമാകുന്നത്. മെയ് 31നു മുമ്പുള്ള യാത്രകള്ക്കു മാത്രമേ ഓഫറുകള് ലഭിക്കൂ എന്നും അധികൃതര് അറിയിക്കുയ്ക്കയുണ്ടായി.
അതോടൊപ്പം തന്നെ അവധിക്കാല പാക്കേജ് പ്രകാരം തിരുവനന്തപുരത്തേക്ക് 1145 ദിര്ഹമാണ് ടിക്കറ്റ് നിരക്ക്. കറാച്ചിയിലേക്ക് 1045ഉം ലണ്ടനിലേക്ക് 2365ഉം ദിര്ഹമാണ് ഓഫര് പ്രൈസ്. അയല് രാജ്യങ്ങളിലെ ജിദ്ദ, മദീന, ബെയ്റൂത്ത്, കെയ്റോ, അമ്മാന് തുടങ്ങിയ സ്ഥലങ്ങളിലേക്ക് 1425 ദിര്ഹമിനും 1995 ദിര്ഹമിനും ഇടയില് ടിക്കറ്റ് നിരക്കുള്ളപ്പോഴാണ് തിരുവനന്തപുരത്തേക്കും കറാച്ചിയിലേക്കുമൊക്കെ ചെറിയ നിരക്ക് മാത്രം ഈടാക്കുന്നത് തന്നെ. ഓഫര് സ്വീകരിച്ച് കുടുംബങ്ങളെയും സുഹൃത്തുക്കളെയും കാണാന് നാടുകളിലേക്ക് പറക്കൂ, അല്ലെങ്കില് ലോകത്തിലെ പുതിയ സ്ഥലങ്ങള് കണ്ടെത്തൂ- എന്നാണ് എമിറേറ്റ്സ് തങ്ങളുടെ പ്രസ്താവനയില് അറിയിച്ചത്.
https://www.facebook.com/Malayalivartha