പ്രവാസികൾക്ക് ഇനി വിസയില്ലാതെ ഒമാനില് പ്രവേശിക്കാം; നിയന്ത്രണങ്ങൾ തുടരുന്ന സാഹചര്യത്തിൽ നിർണായക പ്രഖ്യാപനവുമായി ഒമാൻ, ഒമാന് സന്ദര്ശിക്കാനാഗ്രഹിക്കുന്നവര്ക്ക് നടപടിക്രമങ്ങള് എളുപ്പമാക്കാനും ലക്ഷ്യമിട്ട് പുത്തൻ പദ്ധതി
കൊറോണ വ്യാപനത്തിന് പിന്നാലെ നിയന്ത്രണങ്ങൾ തുടരുന്ന സാഹചര്യത്തിൽ നിർണായക പ്രഖ്യാപനവുമായി ഒമാൻ രംഗത്ത് എത്തിയിരിക്കുകയാണ്. ഏറെ നാളായി പ്രവാസലോകത്ത് എത്തിച്ചേരാൻ കാത്തിരുന്ന പ്രവാസികൾക്ക് സന്തോഷവാർത്തയാണ് പുറത്തേക്ക് വരുന്നത്. ഇന്ത്യ ഉള്പ്പെടെ 103 രാജ്യങ്ങളിലെ പൗരന്മാര്ക്ക് വിസയില്ലാതെ ഒമാനില് പ്രവേശിക്കാം എന്ന വാർത്ത ഏറെ ആശ്വാസകരമായ മാറുകയാണ്. വിനോദസഞ്ചാരികളെ ആകര്ഷിക്കാനും ഒമാന് സന്ദര്ശിക്കാനാഗ്രഹിക്കുന്നവര്ക്ക് നടപടിക്രമങ്ങള് എളുപ്പമാക്കാനും ലക്ഷ്യമിട്ടാണ് ഈ തീരുമാനം.
പ്രസ്താവനയിലൂടെയാണ് അധികൃതർ ഈ വിവരം പങ്കുവച്ചതെന്ന് ടൈംസ് ഓഫ് ഒമാൻ റിപ്പോർട്ട് ചെയ്തു. വിസ ഇല്ലാതെ രാജ്യത്ത് എത്താമെങ്കിലും ഒമാൻ ഭരണകൂടം നിർദേശിക്കുന്ന നിബന്ധനകളും നിയന്ത്രണങ്ങളും കൃത്യമായി തന്നെ പാലിച്ചിരിക്കണം. ഇത്തരത്തിൽ എത്തുന്നവർക്ക് 10 ദിവസം മാത്രമായിരിക്കും രാജ്യത്ത് നിൽക്കാൻ അനുമതി ലഭിക്കുക. മുൻകൂറായി തന്നെ ബുക്ക് ചെയ്ത സ്ഥിരീകരിച്ച ഹോട്ടൽ റിസർവേഷൻ, ആരോഗ്യ ഇൻഷുറൻസ്, മടങ്ങിപ്പോകാനുള്ള ടിക്കറ്റ് എന്നിവയാണ് പ്രധാനമായ നിബന്ധനകൾ എന്നത്.
അതോടൊപ്പം തന്നെ എണ്ണയിതര വരുമാനം വര്ദ്ധിപ്പിക്കുന്നതിന്റെ ഭാഗമായി ടൂറിസം രംഗത്തെ ശക്തിപ്പെടുത്താനാണ് ഒമാന് അധികൃതരുടെ നീക്കം. ആയതിനാൽ തന്നെ കൊവിഡ് മാർഗനിർദേശങ്ങളും മാനദണ്ഡങ്ങളും പാലിക്കേണ്ടതുണ്ട്. ഇത് സംബന്ധിച്ച കൂടുതൽ വിവരങ്ങൾ വൈകാതെ അധികൃതർ പുറത്തുവിടുന്നതാണ്. ഇന്ത്യയെ കൂടാതെ അമേരിക്ക, കാനഡ, ചൈന, റഷ്യ, ഇറാൻ, ബ്രിട്ടൻ, ഫ്രൻസ്, ദക്ഷിണാഫ്രിക്ക, ഇന്തോനേഷ്യ, മലേഷ്യ, സിംഗപ്പൂർ, ഭൂട്ടാൻ, മാലിദ്വീപ്, ജോർദാൻ, ഈജിപ്ത് എന്നീ രാജ്യങ്ങളും പട്ടികയിൽ ഇടം നേടിയിട്ടുള്ളതായാണ് റിപ്പോർട്ട്.
https://www.facebook.com/Malayalivartha