സൗത്ത്​ ആഫ്രിക്കയിൽ നിന്നുള്ള സംസ്കരിക്കാത്ത ഇറച്ചി, പാല്‍,മുട്ട ഉൽപന്നങ്ങൾ യു.എ.ഇ നിരോധനം ഏർപ്പെടുത്തിയതായി റിപ്പോർട്ടുകൾ. ലോകാരോഗ്യ സംഘടനയുടെ നിർദ്ദേശം കണക്കിലെടുത്താണ് പുതിയ നടപടിയെന്ന് യു.എ.ഇ അറിയിച്ചു.

കേരളത്തിൽ നിന്നുള്ള ഫ്രൂട്ട്സ്​, വെജിറ്റബിൾ ഉൽപന്നങ്ങൾ എന്നിവ നിരോധിച്ചുകൊണ്ടുള്ള ഉത്തരവ്​ യു.എ.ഇ സർക്കാർ ഔദ്യോഗികമായി പുറത്തുവിട്ടിരുന്നു​. ഇതിനു പിന്നാലെയാണ് സൗത്ത്​ ആഫ്രിക്കൻ ഉത്പന്നങ്ങളുടെ വിലക്ക് പുറപ്പെടുവിച്ചിരിക്കുന്നത്. 'റിഫ്​റ്റ്​ വാലി ഫീവർ' ബാധയെ തുടർന്നാണ്​ സൗത്ത്​ ആഫ്രിക്കൻ ഉൽപന്നങ്ങൾ നിരോധിച്ചത്​.

പച്ചക്കറി കേരളത്തിൽ നിന്ന്​ കയറ്റുന്നത്​ തടയാൻ മൂന്നു ദിവസം മുൻപ്​ തന്നെ വിമാന കമ്പനികൾ, കയറ്റുമതിക്കാർ, മൊത്ത വിതരണക്കാർ എന്നിവർക്ക്​ നിർദ്ദേശം എത്തിയിരുന്നു. ഈ കാലയളവിൽ മറ്റു പ്രദേശങ്ങളിൽ നിന്ന്​ പഴവും പച്ചക്കറിയും സംഭരിച്ച്​ വിപണിയിലെത്തിക്കാൻ പ്രമുഖ റീട്ടെയിൽ സ്ഥാപനങ്ങൾക്ക്​ സാധിക്കുകയും ചെയ്തു.