അറിഞ്ഞോ വാര്ത്ത....അബുദാബിയില് മൊബൈല് ആപ്പ് വഴി കുറ്റകൃത്യങ്ങള് റിപ്പോര്ട്ട് ചെയ്യാനുള്ള സംവിധാനം വരുന്നു
കേരള പോലീസ് ഇവിടെ നിരപരാധികളെ ചവിട്ടിക്കൊല്ലുമ്പോള് നമുക്ക് ചുറ്റുമുള്ള രാജ്യങ്ങള് എവിടെ എത്തിയെന്ന് അറിയുന്നത് നന്നായിരിക്കും. കുറ്റകൃത്യങ്ങള്, സംശയകരമായ പ്രവര്ത്തനങ്ങള് എന്നിവ ആപ്പ് വഴി ബന്ധപ്പെട്ട അധികാരികളിലേക്കും വകുപ്പുകളിലേക്കും നേരിട്ടെത്തിക്കാനുള്ളള സൗകര്യം അബുദാബി പബ്ലിക് പ്രോസിക്യൂഷനാണ് ഒരുക്കിയിട്ടുള്ളത്.അബുദാബിയില് ഇനി മൊബൈല് ആപ്പ് വഴി കുറ്റകൃത്യങ്ങള് റിപ്പോര്ട്ട് ചെയ്യാനുള്ള സംവിധാനം എത്തുന്നു. ' ഇന്ഫോം ദി പ്രോസിക്യൂഷന്' എന്ന മൊബൈല് ആപ്പ് വഴിയാണ് കുറ്റകൃത്യങ്ങള് റിപ്പോര്ട്ട് ചെയ്യുന്നത്.
അറബി, ഇംഗ്ലീഷ് ഭാഷകളിലാണ് ആപ്പ് പ്രവര്ത്തിക്കുക. നിര്ദേശങ്ങള്ക്കുള്ള മറുപടി ടെക്സ്റ്റ് മെസേജുകളായാണ് ജനങ്ങള്ക്ക് ആപ്പില് നിന്നും ലഭിക്കുക. സാങ്കേതികരംഗങ്ങളിലെ വളര്ച്ച സമൂഹനന്മയ്ക്കായി ഏതെല്ലാം വിധത്തില് പ്രയോജനപ്പെടുത്താം എന്ന ചിന്തയില് നിന്നാണ് ഈ ആപ്പ് രൂപം കൊണ്ടതെന്ന് അബുദാബി അറ്റോര്ണി ജനറല് അലി മുഹമ്മദ് അല് ബലൂഷി വ്യക്തമാക്കി. ആപ്പിന് മികച്ച പ്രതികരണമാണ് ലഭിക്കുന്നതെന്നാണ് റിപ്പോര്ട്ടുകള്.
https://www.facebook.com/Malayalivartha
