ഭർത്താവിനെ ഗാര്ഹിക പീഡനക്കേസ് നല്കി ജയിലിലാക്കി; ജാമ്യത്തിലിറങ്ങി മണിക്കൂറുകള്ക്കുള്ളിൽ വിമാനം ഭാര്യയുടെ വീട്ടിലേയ്ക്കിടിച്ചിറക്കി ഭർത്താവിന്റെ പ്രതികാരം
അമേരിക്കയിൽ ഗാര്ഹിക പീഡനക്കേസ് നല്കി ജയിലിലാക്കിയ ഭാര്യയോട് പകരം വീട്ടാൻ ഭർത്താവ് വീട്ടിലേയ്ക്ക് വിമാനം ഇടിച്ചിറക്കി തീയിൽ വെന്തു മരിച്ചു. ഓഹിയോ വാസിയായ ഡ്വെയിന് യൂദ്(47) ആണ് പക വീട്ടാനെത്തി അതിദാരുണമായി കൊല്ലപ്പെട്ടത്.
ഭാര്യയുമായി വഴക്കിട്ട യൂദിനെ മുൻപ് ഗാര്ഹിക പീഡനത്തിന് പൊലീസ് അറസ്റ്റ് ചെയ്തിരുന്നു. ജാമ്യത്തിലിറങ്ങി മണിക്കൂറുകള് കഴിഞ്ഞതോടെ ഭാര്യയോട് പ്രതികാരം ചെയ്യാന് യൂദ് തീരുമാനിക്കുകയായിരുന്നു. പൈലറ്റായ ഇയാള് ജോലി ചെയ്തിരുന്ന സ്പാനിഷ് ഫോര്ക്ക് അതോറിറ്റിയില് നിന്നും സെസ്ന-565 എന്ന ചെറുവിമാനവുമായി വീട്ടിലേക്ക് തിരിച്ചു. ഭാര്യയും അവരുടെ മകനും താമസിക്കുന്ന രണ്ടു നില വീട്ടിലേക്ക് വിമാനം ഇടിച്ചിറക്കുന്നതിനിടെ തീപടര്ന്ന് യൂദ് കൊല്ലപ്പെടുകയായിരുന്നു.
എന്നാൽ ഈ സമയം വീട്ടിലുണ്ടായിരുന്നുവെങ്കിലും യൂദിന്റെ ഭാര്യയും കുട്ടിയും രക്ഷപെട്ടു. വീട് കത്തി നശിച്ചിട്ടുണ്ട്. പൊലീസും അഗ്നിശമന സേനയും നടത്തിയ തിരച്ചിലില് വിമാനത്തിന്റെ അവശിഷ്ടങ്ങള്ക്കിടിയില് നിന്നും യൂദിന്റെ മൃതദേഹം കണ്ടെത്തുകയായിരുന്നു. കൃത്യം നിര്വഹിക്കുന്നതിന് തലേന്ന് രാത്രി തന്റെ സ്വന്തം മക്കളോട് വീട്ടില് നിന്നും മാറാന് ഇയാള് ആവശ്യപ്പെട്ടിരുന്നതായി പൊലീസ് കണ്ടെത്തി.
https://www.facebook.com/Malayalivartha