ശീതികരിച്ച ട്രെയിലറില് അമേരിക്കയിലേയ്ക്ക് കടക്കാൻ ശ്രമം; ഇന്ത്യക്കാരുൾപ്പെട്ട 78 പേർ ചെക്ക് പോസ്റ്റിലെ പരിശോധനയിൽ പോലീസ് പിടിയിലായി
ഇന്ത്യക്കാരുൾപ്പെട്ട 78 പേരെ അനധികൃതമായി ശീതികരിച്ച ട്രെയിലറില് യുഎസിലേക്ക് കടത്താനുള്ള ശ്രമം അധികൃതർ തടഞ്ഞു. കഴിഞ്ഞയാഴ്ച്ച ടെക്സാസില് നിന്നുള്ള ചെക്ക്പോസ്റ്റില് നടത്തിയ പരിശോധനയിലാണ് ഇവരെ ഇമിഗ്രേഷന് അധികൃതര് പിടികൂടിയത്.
അതേസമയം യുഎസിലെ വിവിധ അതിര്ത്തികളിലൂടെ രാജ്യത്ത് കടക്കാന് ശ്രമിച്ച നൂറിലധികം പേരാണ് പിടിലായിരിക്കുന്നത്. ഇവരില് ഇന്ത്യക്കാരും ഉള്പ്പെട്ടതായിട്ടാണ് റിപ്പോര്ട്ട്. നേരത്തെ ഇമിഗ്രേഷന് നിയമങ്ങള് ലംഘിച്ചതിന്റെ പേരില് 45 പേരെ ഹൂസ്റ്റണില് നിന്നും ഇമിഗ്രേഷന് ആന്ഡ് കസ്റ്റംസ് എന്ഫോഴ്സ്മെന്റ് (ഐ.ഇ.സി),എന്ഫോഴ്സ്മെന്റ് ആന്ഡ് റിമൂവല് ഓപ്പറേഷന്സ് (ഇ.ഒ.ആര്) അധികൃതര് നടത്തിയ സംയുക്ത പരിശോധയില് പിടിയിലായിരുന്നു.
അറസ്റ്റിലായ ഇന്ത്യന് പൗരന്മാരുടെ എണ്ണം ഏജന്സി ഇതു വരെ ഔദ്യോഗികമായി അറിയിച്ചിട്ടില്ല. ഹോണ്ടുറാസ്, എല് സാല്വഡോര്, മെക്സിക്കോ, ഗ്വാട്ടിമാല, അര്ജന്റീന, ക്യൂബ, നൈജീരിയ, ഇന്ത്യ, ചിലി, ടര്ക്കി എന്നീ രാജ്യങ്ങളില് നിന്നുള്ളവരാണ് പിടിയിലായതെന്ന കാര്യം അധികൃതര് സ്ഥീകരിച്ചിട്ടുണ്ട്. മുന്കാലങ്ങളില് നടന്ന ഇമിഗ്രേഷന് നടപടികളില് നിന്ന് ഒളിച്ചോടിയവരാണ് പിടിയിലായിരിക്കുന്നത്.
അറസ്റ്റിലായവരില് ചിലര് അനധികൃതമായി രാജ്യത്ത് പ്രവേശനത്തിനു ശ്രമിച്ചതിന് ക്രിമിനല് പ്രോസിക്യൂഷനും നേരിടേണ്ടി വരുമെന്ന് അന്വേഷണ ഏജന്സി അറിയിച്ചു മറ്റുള്ളവര് നാടുകടത്തപ്പെട്ടതിനു ശേഷം അനധികൃതമായി വീണ്ടും യുഎസിലേക്ക് പ്രവേശിക്കാന് ശ്രമിച്ചതിന്റെ പേരിലുള്ള ശിക്ഷാനടപടികള് അനുഭവിക്കേണ്ടി വരും.
https://www.facebook.com/Malayalivartha