ഇറ്റലിയിൽ പാലം 29 അടിയോളം താഴ്ചയിലേക്ക് തകർന്നു വീണു അപകടം; മരിച്ചവരുടെ എണ്ണം 35 ആയി
ഇറ്റലിയിൽ പാലം തകര്ന്ന് വീണ് മരിച്ചവരുടെ എണ്ണം 35 ആയി. അപകടത്തിൽ ഗുരുതരമായി പരിക്കേറ്റവും നിരവധിപേരാണ്. വടക്കുപടിഞ്ഞാറന് ഇറ്റലിയിലെ ജെനോവിലായിരുന്നു നാടിനെ നടുക്കിയ അപകടം ഉണ്ടായത്.
ശക്തമായ മഴയില് ഇന്നലെ രാവിലെ 11.30ന് പാലത്തിന്റെ ഒരു ഭാഗമാണ് തകര്ന്നു വീണത്. തകര്ന്നു വീണ പാലത്തില് നിന്ന് 29 അടിയോളം താഴ്ചയിലേക്ക് വാഹനങ്ങള് പതിച്ചതാണ് മരണസംഖ്യ ഉയരാനിടയായത്. നദിക്കും റെയില് ട്രാക്കിനും കെട്ടിടങ്ങള്ക്കും കുറുകെയാണ് ഇറ്റലിയേയും ഫ്രാന്സിനെയും ബന്ധിപ്പിക്കുന്ന കൂറ്റന് പാലം കടന്നുപോകുന്നത്. അപകടത്തില് അനവധി കെട്ടിടങ്ങളും തകര്ന്നു. കെട്ടിടങ്ങളുടെ അവശിഷ്ടങ്ങള്ക്കിടയില് കാറും ട്രക്കുകളും കുടുങ്ങിക്കിടക്കുകയാണ്.
100 മീറ്റര് താഴ്ചയിലേക്ക് പാലം വീണാണ് അപകടം സംഭവിച്ചത്. അവശിഷ്ടങ്ങള്ക്കിടയിലും വാഹനങ്ങളിലും കുടുങ്ങിയവരെ അഗ്നിശമന സേനാഗംങ്ങള് രക്ഷപ്പെടുത്തി. ഇവരെ ഹെലികോപ്റ്ററില് ആശുപത്രിയിലേക്ക് മാറ്റി. ഇറ്റലിയെയും ഫ്രാന്സിനെയും തമ്മില് ബന്ധിപ്പിക്കുന്ന പാലമാണ് തകര്ന്നു വീണത്.
ഇതോടെ ഇവിടെയുള്ള ഗതാഗതം താറുമാറായിരിക്കുകയാണ്. 1967 ൽ പണികഴിപ്പിച്ച പാലത്തിന് 90 മീറ്റര് ഉയരവും ഒരു കിലോമീറ്ററോളം നീളവുമുണ്ട്.
https://www.facebook.com/Malayalivartha