സുഹൃത്തിന്റെ മേക്കപ്പ് ഫേസ്മാസ്‌ക് മോഷ്ടിച്ചെന്ന കുറ്റപ്പെടുത്തലിൽ മനംനൊന്ത് 21 കാരി ആത്മഹത്യ ചെയ്തു
15 AUGUST 2018 05:05 PM IST
മലയാളി വാര്‍ത്ത
ഇംഗ്ലണ്ടിൽ സുഹൃത്തിന്റെ മേക്കപ്പ് ഫേസ്മാസ്‌ക് മോഷ്ടിച്ചെന്ന കുറ്റപ്പെടുത്തലിൽ മനംനൊന്ത് യുവതി ആത്മഹത്യ ചെയ്തു. മെഴ്‌സ്‌ഡെസ് ഹാരിസണ്‍ എന്ന 21കാരിയെയാണ് അപമാനം സഹിക്കാനാകാതെ വീടിന് പുറത്തെ പൂന്തോട്ടത്തില്‍ തൂങ്ങി മരിച്ച നിലയിൽ കണ്ടെത്തിയത്.
ഹാരിസെന്റെ സുഹൃത്തും ഒപ്പം താമസിക്കുന്ന ബ്രീ ടെയ്‌ലറാണ് ആരോപണം ഉന്നയിച്ചത്. ഇരുവരും തമ്മില്‍ മേക്കപ്പിന്റെ പേരില്‍ വന്‍ തര്‍ക്കം ഉണ്ടായിരുന്നു. തുടര്‍ന്നാണ് ഹാരിസണ്‍ ജീവനൊടുക്കിയത്.
താന്‍ ഹാരിസണിന്റെ മുറിയില്‍ നിന്നും തന്റെ ഫേസ്മാസ്‌ക് കിറ്റ് കണ്ടെത്തിയെന്ന് ബ്രീ പറയുന്നു. എന്നാല്‍ ഇത് താന്‍ മോഷ്ടിച്ചതല്ലെന്നായിരുന്നു ഹാരിസണ്‍ പറഞ്ഞത്. ഒരു നായയുമായി നടക്കാനിറങ്ങിയ ആളാണ് ഹാരിസണിന്റെ മൃതദേഹം ആദ്യം കാണുന്നത്. അമ്മ നഷ്ടപ്പെട്ട ഹാരിസണെ അച്ഛനും മുത്തശ്ശിയും ചേര്‍ന്നാണ് വളര്‍ത്തിയത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
