അമേരിക്കയ്ക്ക് വീണ്ടും വൻ തിരിച്ചടി; കാനഡക്കാർ അമേരിക്കൻ ഉത്പന്നങ്ങൾ ബഹിഷ്ക്കരിക്കുന്നു
അമേരിക്ക ലോഹങ്ങള്ക്ക് ഏർപ്പെടുത്തിയ തീരുവകളിലും, കനേഡിയന് പ്രധാനമന്ത്രി ജസ്റ്റിൻ ട്രൂഡോയ്ക്ക് നേരെ യുഎസ് പ്രസിഡന്റ് ട്രംപ് ഉപയോഗിച്ച പരുക്ഷമായ വാക്കുകളിലും രോഷാകുലരായ കാനഡ ജനത അമേരിക്കൻ ഉത്പന്നങ്ങൾ ബഹിഷ്ക്കരിക്കാൻ തുടങ്ങിയിരിക്കുകയാണ്.
കാനഡക്കാര് ഇപ്പോള് ഷോപ്പിങ്ങിനായി പോകുമ്പോൾ അമേരിക്കൻ ഉത്പന്നങ്ങൾ തീർത്തും ഒഴിവാക്കി കൂടുതലും കനേഡിയന് ഉല്പ്പന്നങ്ങളാണ് വാങ്ങുന്നത്. ഓറഞ്ച് ജ്യൂസ്, യോഗര്ട്ട് തുടങ്ങിയ ഭക്ഷ്യ വസ്തുക്കള് ഉള്പ്പടെ ചില യുഎസ് ഉല്പ്പന്നങ്ങള്ക്ക് തിരിച്ചടിയെന്ന നിലയില് കാനഡയും തീരുവകള് ഏര്പ്പെടുത്തുകയുണ്ടായി.
തദ്ദേശീയമായ ഉല്പ്പന്നങ്ങള് കൂടുതല് വാങ്ങുന്നതിനായി തിരക്കുകൂട്ടുന്ന കാനഡക്കാരെ പക്ഷേ, ഒരു പ്രശ്നം വല്ലാതെ കുഴപ്പിക്കുന്നു. ഏതാണ് കനേഡിയനെന്ന്? അമേരിക്കയുടെയും കാനഡയുടെയും ഉല്പ്പാദന ശൃംഖലകള് ബന്ധപ്പെട്ടു കിടക്കുന്നതിനാല് ഒരു പ്രത്യേക ഉല്പ്പന്നത്തിന്റെ എത്രത്തോളം ഭാഗം തദ്ദേശീയമായി ഉല്പ്പാദിപ്പിച്ചതാണെന്ന് മനസ്സിലാക്കാന് വളരെ പ്രയാസമാണ്. അതിനാല് ഒരു ഉല്പ്പന്നം ബഹിഷ്ക്കരിക്കണമോ എന്ന് തീരുമാനിക്കുന്നതിനായി വളരെ തലപുകയ്ക്കേണ്ടി വരുമെന്ന് കനേഡിയക്കാര് പറയുന്നു.
കാനഡയിലെ പലചരക്കു വ്യാപാരശാലകളിലെ ഷെല്ഫുകളില് നിറഞ്ഞിരിക്കുന്ന ഭക്ഷ്യഉല്പന്നങ്ങളില് 40% മുതല് 60% വരെ യുഎസില് നിന്നുള്ളവയുമാണ്.
https://www.facebook.com/Malayalivartha