സൗത്ത് അമേരിക്കയിലെ ബൊളീവിയയിൽ ഒരു വയസ്സുളള കുഞ്ഞിനെയുൾപ്പടെ മൂന്ന് കുഞ്ഞുങ്ങളെ കെട്ടിത്തൂക്കി കൊലപ്പെടുത്തിയ ശേഷം 25 കാരിയായ അമ്മ വിഷം കഴിച്ചു ജീവനൊടുക്കാൻ ശ്രമിച്ചു. ഭര്‍ത്താവിന്റെ അമിതമായ മദ്യപാനത്തില്‍ മനംനൊന്തായിരുന്നു യുവതിയുടെ കടുംകൈ.

യുവതി കൃത്യം ചെയ്യുന്നതിന് മുൻപായി കുട്ടികളെക്കൊണ്ട് അച്ഛനോട് ഗുഡ്ബൈ പറയുന്ന വീഡിയോ സന്ദേശവും യുവതി ഭര്‍ത്താവിന് അയച്ചിരുന്നു. ഒന്നും നാലും ഏഴും പ്രായമുള്ള കുഞ്ഞുങ്ങളെ കെട്ടിത്തൂക്കി കൊലപ്പെടുത്തിയ ശേഷം യുവതി വിഷം കഴിക്കുകയായിരുന്നു.

സംഭവത്തിൽ മൂന്നു കുട്ടികളും മരണത്തിനു കീഴടങ്ങി. യുവതി ആശുപത്രിയില്‍ ചികിത്സയിലാണ്. ഇവരുടെ ഭര്‍ത്താവിനെ പോലീസ് കസ്റ്റഡിയിലെടുത്തിട്ടുണ്ട്. ഇത്തരം കുറ്റകൃത്യങ്ങള്‍ ബൊളീവിയയില്‍ കൂടി വരികയാണെന്ന് പോലീസ് പറഞ്ഞു.