പാകിസ്താന് നല്‍കിയിരുന്ന അതിപ്രിയ രാഷ്ട്രപദവി പിന്‍വലിച്ചതിന് പിന്നാലെ ഉല്‍പന്നങ്ങളുടെ തീരുവ ഉയര്‍ത്തി ഇന്ത്യ
പാകിസ്താന് നല്‍കിയിരുന്ന അതിപ്രിയ രാഷ്ട്രപദവി പിന്‍വലിച്ചതിന് പിന്നാലെ ഉല്‍പന്നങ്ങളുടെ തീരുവ ഉയര്‍ത്തി ഇന്ത്യ. പാകിസ്താനില്‍ നിന്ന് ഇറക്കുമതി ചെയ്യുന്ന ഉല്‍പന്നങ്ങളുടെ തീരുവ 200 ശതമാനമായാണ് വര്‍ധിപ്പിച്ചത്. ധനമന്ത്രി അരുണ്‍ ജെയ്റ്റ്‌ലിയാണ് തീരുവ ഉയര്‍ത്താനുള്ള തീരുമാനം അറിയിച്ചത്. അടിയന്തരമായി നടപടി കൈകൊള്ളുന്നുവെന്നാണ് ജെയ്റ്റ്‌ലി ട്വിറ്റര്‍ പോസ്റ്റില്‍ വ്യക്തമാക്കിയത്. 1996ലാണ് ഇന്ത്യ പാകിസ്താന് അതിപ്രിയ രാഷ്ട്രപദവി നല്‍കിയത്. പദവി പിന്‍വലിച്ചതോടെ ഇന്ത്യക്ക് പാക് ഉല്‍പന്നങ്ങള്‍ക്ക് മേല്‍ ഇഷ്ടം പോലെ നികുതി ചുമത്താം.
എന്നാല്‍, ഇന്ത്യന്‍ നടപടിയോട് പാകിസ്താന് ഇതുവരെ പ്രതികരിച്ചിട്ടില്ല. രണ്ട് ബില്യണ്‍ ഡോളറിന്റെ വ്യാപാരമാണ് ഇന്ത്യയും പാകിസ്താനും തമ്മില്‍ പ്രതിവര്‍ഷം നടത്തുന്നത്. വ്യാഴാഴ്ചയാണ് പുല്‍വാമയില്‍ സൈനികര്‍ സഞ്ചരിച്ച വാഹനവ്യൂഹത്തിനെതിരെ ഭീകരാക്രമണമുണ്ടായത്. സംഭവത്തില്‍ 40 ജവാന്‍മാര്‍ കൊല്ലപ്പെട്ടിരുന്നു.
https://www.facebook.com/Malayalivartha
