ഇസ്രായേലിനും അമേരിക്കയ്ക്കുമെതിരെ രൂക്ഷ വിമർശനവുമായി ഇറാൻ വിദേശകാര്യ മന്ത്രി ജാവേദ് ശരീഫ്
ഇസ്രായേലിനും അമേരിക്കയ്ക്കുമെതിരെ രൂക്ഷ വിമർശനവുമായി ഇറാൻ വിദേശകാര്യ മന്ത്രി ജാവേദ് ശരീഫ്.ഇസ്രായേല് യുദ്ധത്തിന് മനപൂര്വ്വം ശ്രമിക്കുകയാണ്. അതേസമയം പശ്ചിമേഷ്യൻ രാജ്യങ്ങളെ തമ്മിലടിപ്പിക്കാനാണ് അമേരിക്ക ശ്രമിക്കുന്നത് -ജാവേദ് വിമർശിച്ചു. മ്യൂണിച്ച് സെക്യൂരിറ്റി കോണ്ഫറന്സിനെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
ഇസ്രായേലിനൊപ്പം ചേര്ന്ന് അമേരിക്ക പശ്ചിമേഷ്യൻ രാജ്യങ്ങൾക്കിടയില് ഭിന്നത സൃഷ്ടിക്കുകയാണ് - ജാവേദ് കുറ്റപ്പെടുത്തി. ബന്ധം വഷളാക്കാന് വീണ്ടും ഇസ്രായേല് ശ്രമിക്കുകയാണെങ്കില് ശക്തമായി തിരിച്ചടിക്കുമെന്നും ജാവേദ് വ്യക്തമാക്കി .
യുദ്ധം അപകട സാധ്യത കൂടുതലുള്ള പ്രക്രിയയാണ് . അന്താരാഷ്ട്ര നിയമങ്ങൾ ലംഘിച്ച് ഇസ്രായേല് ഇറാനെ പ്രതിരോധത്തിലാക്കാന് ശ്രമിക്കുകയാണെങ്കില് തിരിച്ചടിക്കും - ജാവേദ് കൂട്ടിച്ചേർത്തു.
കഴിഞ്ഞ വർഷം സിറിയയിലെ ഇറാനിയന് റെവല്യൂഷനറി ഗാർഡിന് നേരെ മാത്രം ഇസ്രായേല് 100ല് അധികം വ്യോമാക്രമണങ്ങൾ നടത്തിയിട്ടുണ്ടെന്നും ജാവേദ് പറഞ്ഞു.ഇസ്രായേലും അമേരിക്കയും ചേര്ന്ന് അന്താരാഷ്ട്ര നിയമങ്ങളുടെ ലംഘനമാണ് നടത്തുന്നതെന്നും ജാവേദ് കുറ്റപ്പെടുത്തി.
https://www.facebook.com/Malayalivartha